روس یوکرین تنازعہ، حکام کا 12 گھنٹے کی جنگ بندی کا اعلان

ویب ڈیسک

09th Mar, 2022. 10:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس یوکرین تنازعہ، حکام کا 12 گھنٹے کی جنگ بندی کا اعلان

روس اور یوکرین کےدرمیان جاری جنگ میں نیا موڑ سامنے آیا ہے۔ حکام نے جنگ بندی کا اعلان کردیا ہے۔

غیر ملکی خبر رساں ادارے کے مطابق یہ خوف بڑھ رہا ہے روسی افواج دارالحکومت کے قریب ہیں اور یوکرینی دارالحکومت کو گھیر لیا جائے گا۔

اس تناظر میں یوکرین اور روس نے شہریوں کے پانچ مقامات سے انخلا کے لیے 12 گھنٹے کی جنگ بندی پر اتفاق کیا ہے۔کیف کے اردگرد کے کچھ علاقے اور روس کی سرحد کے قریب واقع شہر سمی سے لوگ نکلیں گے۔ماریوپول سے بھی لوگوں کا انخلا ہوگا جسے ریڈ کراس نے قیامت خیز‘ قرار دیا ہے جہاں گزشتہ نو روز سے بنیادی ضروریاتِ زندگی میسر بھی نہیں ہیں۔

حکام کے مطابق مشرقی یوکرین کے قصبے سیورودنیٹسک میں روسی فوج کی گولہ باری سے کم از کم 10 افراد ہلاک ہو گئے۔

روسی اور یوکرینی وزرائے خارجہ جنگ کے بعد پہلی مرتبہ براہ راست بات چیت کریں گے۔ یہ مذاکرات جمعرات کو جنوبی ترکی میں ہوں گے۔

علاوہ ازیں بین الاقوامی امور کے ماہرین کا کہنا ہے کہ جنگ بندی سے عوام کو فی الوقت ریلیف حاصل ہوسکے گا تاہم، عالمی طاقتیں اپنا کردار ادا کریں اور اس تنازعہ کا کوئی مستقل حل پیش کریں۔ دوسری صورت میں یوکرین میں بھی انسانی المیہ جنم لے سکتا ہے۔