وزیر اعظم کو ضابطہ اخلاق کی خلاف ورزی پر نوٹس جاری

ویب ڈیسک

16th Mar, 2022. 11:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

وزیر اعظم کو ضابطہ اخلاق کی خلاف ورزی پر نوٹس جاری
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

وزیر اعظم کو ضابطہ اخلاق کی خلاف ورزی پر نوٹس جاری

الیکشن کمیشن آف پاکستان (ای سی پی) نے ضابطہ اخلاق کی خلاف ورزی پر وزیر اعظم عمران خان کو نوٹس جاری کر دیا۔

الیکشن کمیشن نے وزیراعلیٰ خیبر پختون خوا محمود خان، وزیر خارجہ شاہ محمود قریشی اور وفاقی وزیر مراد سعید کو بھی نوٹس جاری کردیا۔

صوبائی وزراء محب اللہ اور ڈاکٹر امجد علی کو بھی نوٹس جاری کیا گیا اور یہ نوٹس ڈسٹرکٹ مانیٹرنگ آفیسر سوات سلیم اللہ کی جانب سے جاری کیا گیا۔

وزیر اعظم، وزیر اعلیٰ، وفاقی وزراء اور صوبائی وزراء کو خود یا بذریعہ وکیل 18 مارچ کو پیش ہونے کی ہدایت کی گئی۔

نوٹس کے متن کے مطابق ڈسٹرکٹ مانیٹرنگ آفیسر کے منع کرنے کے باوجود وزیر اعظم نے سوات میں عوامی اجتماع سے خطاب کیا۔

یاد رہے خیبر پختونخواہ میں بلدیاتی انتخابات کا دوسرا مرحلہ 31 مارچ کو شیڈول ہے۔

الیکشن کمیشن کی جانب سے وزیر اعظم عمران خان کو 11 مارچ کو بھی دیر میں جلسہ کرنے سے روکا گیا تھا۔

ڈسٹرکٹ مانیٹرنگ آفیسر لوئر دیر نے وزیر اعظم کو مراسلہ جاری کیا تھا جس مں وزیر اعظم کو جلسہ کرنے سے منع کیا گیا تھا۔

الیکشن کمیشن نے وزیراعظم عمران خان کو ضابطہ اخلاق کی خلاف ورزی پر نوٹس جاری کرتے ہوئے 14 مارچ کو خود یا بذریعہ وکیل الیکشن کمیشن پیش ہونے کی ہدایت کی تھی۔

الیکشن کمیشن نے وزیر اعلیٰ خیبر پختونخوا، وزیر خارجہ شاہ محمود قریشی اور وفاقی وزیر برائے منصوبہ بندی اسد عمر کو بھی نوٹس بھیج دیا۔

الیکشن کمیشن کی جانب سے مراسلے میں بتایا گیا تھا کہ بلدیاتی انتخابات کے باعث جلسے میں شرکت کوڈ آف کنڈکٹ کی خلاف ورزی ہوگی اور کوئی بھی عوامی عہدہ رکھنے والا شخص الیکشن مہم میں حصہ نہیں لے سکتا ہے۔