انصاف کے حصول میں وکلاء کو اپنا مثبت کردار ادا کرنا ہوگا، چوہدری پرویزالہٰی

ویب ڈیسک

10th Mar, 2022. 02:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انصاف کے حصول میں وکلاء کو اپنا مثبت کردار ادا کرنا ہوگا، چوہدری پرویزالہٰی

اسپیکر پنجاب اسمبلی چوہدری پرویزالہٰی نے کہا ہے کہ انصاف کے حصول میں وکلاء کو اپنا مثبت کردار ادا کرنا ہوگا۔

چوہدری پرویزالہٰی سے لاہور ہائیکورٹ بار کے صدر سردار محمد اکبر ڈوگر کی قیادت میں وفد کی ملاقات ہوئی ہے۔

وفد میں سیکرٹری ہائیکورٹ بار رائے محمد عثمان، نائب صدر سہیل شفیق چوہدری، فنانس سیکرٹری رانا علی اختر اور چوہدری بیدار بخت باجوہ ایڈووکیٹ شامل ہیں۔

ملاقات میں چوہدری پرویزالہٰی نے گفتگو کرتے ہوئے کہا کہ بروقت انصاف کی فراہمی میں عدلیہ کی معاونت کرنے میں وکلاء کا بڑا اہم کردار ہے۔

دوسری جانب لاہور ہائیکورٹ بار کے صدر سردار اکبر ڈوگر نے کہا کہ آپ نے ہمیشہ وکلاء برادری کا خیال رکھا ہے، بطور وزیراعلیٰ پنجاب آپ کی طرف سے وکلاء کو دی گئی سہولیات قابل قدر ہیں۔

واضح رہے کہ ملاقات میں سیکرٹری پنجاب اسمبلی محمد خان بھٹی، ایڈیشنل ایڈووکیٹ جنرل پنجاب نادر منظور دوگل، صدر لائیرز نگ مسلم لیگ عاصم چیمہ، بیرسٹر احمد حسن چیمہ اور چوہدری صفدر بوسال اسسٹنٹ ایڈووکیٹ جنرل بھی موجود تھے۔