سنبل اقبال کی دلکش تصویر سوشل میڈیا کی زینت بن گئی

HSY برگر بیچتے بیچتے عالمی شہرت یافتہ برانڈ کیسے بنا؟

ویب ڈیسک

23rd Mar, 2022. 06:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

HSY برگر بیچتے بیچتے عالمی شہرت یافتہ برانڈ کیسے بنا؟

پاکستان کے بین الاقوامی شہرت یافتہ ز ڈیزائنر حسن شہریار یاسین المعروف ‘ایچ ایس وائے’ نے حال ہی میں اپنے ماضی کے کے حوالے سے انکشاف کیا ہے کہ انہوں نے اتنی ترقی کیسے حاصل کی۔

رپورٹ کے مطابق نجی ٹی وی کو دیئے گئے ایک انٹرویو میں ایچ ایس وائے نےانکشاف کیا کہ وہ سنگل پیرنٹنگ میں بڑے ہوئے ہیں اور انہوں نے کافی چھوٹی عمر سے ہی محنت مزدوری کر کے اپنے اخراجات خود اٹھانا شروع کردیے تھے۔

ایچ ایس وائے نے اس انٹرویو میں انکشاف کیا کہ اس کم عمری میں محنت مزدوری کے دوران انہوں نے برگر بھی بیچا ہے علاوہ ازیں انہوں نے برگر بیچنے کے ساتھ لائبریری میں بھی ملازمت کی تھی۔

ایچ ایس وائے کا مزید کہنا تھا کہ انہوں نے اپنی کمائی سے بچائے ہوئے چند ہزار روپوں سے کاروبار شروع کیا تھا، انہوں نے کلوتھنگ برانڈ ’ایچ ایس وائے‘ کی بنیاد محض 25 ہزار کی مدد سے رکھی تھی جو کہ اب پاکستان سمیت دنیا بھر میں معروف ترین برانڈ کی حیثیت سے جانا جاتا ہے۔

حسن شہریار یاسین نے بتایا کہ انہوں نے آج تک زندگی میں ہر کام صفر سے شروع کیا ہے چاہے وہ اداکاری، میزبانی کا پیشہ ہو یا پھر فیشن ڈیزائننگ کا کاروبار، ان کا کہنا تھا کہ انہوں نے اپنی پہچان بنانے کے لئے بےحد محنت کی اور وہ ہر کام کو بےحد دل لگا کر کرتے ہیں۔

یاد رہے کہ ایچ ایس وائے پاکستان کا وہ برانڈ ہے جسے پاکستانی شوبز سے منسلک افراد سمیت سیاست سے جڑے لوگ بھی بے حد پسند کرتے ہیں اور اس برانڈ کو بین الاقوامی سطح پر بھی مقبولیت حاصل ہے۔

واضح رہے کہ کچھ عرصہ قبل اداکاری کی دنیا میں قدم رکھنے والے حسن شہریار یاسین کی ڈیبیو فلم ’عشرت: میڈ ان چائنا‘ ریلیز ہوئی جس میں انہوں نے شاندار اداکاری کا مظاہرہ کیا۔