لاہور کی مقامی عدالت نے ویڈیو لنک کے ذریعے میشا شفیع کے بیان پر جرح کی درخواست خارج کردی۔

تفصیلات کے مطابق لاہورکی سیشن عدالت نے میشاء شفیع کیخلاف ہتک عزت دعوی کی سماعت کے دوران فاضل جج نے 7 اپریل کو میشاء شفیع کو بیان پر جرح کیلئے طلب کرلیا۔

ایڈیشنل سیشن جج خان محمود نے علی ظفر کے ہتک عزت دعوی پر کیس کی سماعت کی۔

سیشن عدالت نے گزشتہ سماعت پر میشا شفیع کی ویڈیو لنک کے ذریعے جرح کی درخواست پر فیصلہ محفوظ کیا تھا۔

علی ظفرکے میشا شفیع کے خلاف ہتک عزت کے دعوے میں میشا شفیع کی ویڈیو لنک کے ذریعے جرح کی درخواست پر دلائل مکمل کیے گئے تھے۔

کیس کا فیصلہ محفوظ کرتے ہوئے عدالت نے آئندہ سماعت پر علی ظفر کو میشا شفیع کے دعوے پر جواب جمع کرانے کی ہدایت کی تھی۔

اس سے قبل سیشن کورٹ لاہور میں گلوکارہ میشا شفیع کے خلاف ہتک عزت کا دعوی سے متعلق کیس کی سماعت ہوئی تھی۔

علی ظفر نے عدالت میں میشا شفیع کی درخواست جرمانے کے ساتھ مسترد کرنے کی استدعا کرتے ہوئے میشا شفیع کی درخواست کو بے بنیاد اورعدالتی وقت کا ضیاع قراردیا تھا۔

لاہورہائیکورٹ نے بھی میشا شفیع کے خلاف علی ظفر کے ایف آئی اے میں درج کرایا گیا مقدمہ خارج کرانے کی درخواست مسترد کی تھی۔

عدالت نے میشا شفیع  کے خلاف ایف آئی اے میں درج مقدمہ کے اخراج  کے لیے دائر درخواست پر فیصلہ سنایا تھا۔