فواد چوہدری نے کہا ہے کہ اسپیکر کا فیصلہ ہوگا کہ منحرف ارکان کا ووٹ مانا جائے گا یا نہیں۔

سپریم کورٹ کے باہر میڈیا سے گفتگو کرتے ہوئے وفاقی وزیر اطلاعات فواد چوہدری نے پریس کانفرنس کرتے ہوئے کہا ہے کہ ملک کا مستقبل ہارس ٹریڈنگ کے خاتمے سے جڑا ہے۔

انہوں نے کہا کہ عدالت ہارس ٹریڈنگ پر پابندی عائد کرے، سندھ ہاؤس میں گدھا اور گھوڑا ٹریڈنگ کا مداوا بھی نہیں ہوا، کارکنوں نے جذبات میں آکر سندھ ہاؤس کے باہر احتجاج کیا۔

فواد چوہدری نے کہا کہ یہ فیصلہ اسپیکر قومی اسمبلی کا ہو گا کہ منحرف ارکان کا ووٹ مانا جائے گا یا نہیں۔

وفاقی وزیر اطلاعات نے کہا کہ اتحادی ہمارے ساتھ ہیں، اتحادیوں کےپاس4وزارتیں ہیں، جن ارکان کی ویڈیوزآئی انکے ووٹ کا فیصلہ اسپیکرکی صوابدید ہے، عمران خان کے نام پرووٹ لے کرخنجرگھونپا جا رہا ہے۔

انہوں نے کہا کہ تاحیات نااہلی کا فیصلہ سپریم کورٹ کا بہت بڑا اقدام ہوگا، اختلاف ہیں توپارٹی سے استعفیٰ دے کردوبارہ عوام میں جائیں، خریدوفروخت کی اسٹاک ایکس چینج منڈی لگی ہوئی ہے۔

فواد چوہدری نے کہا کہ سپریم کورٹ کا فیصلہ سیاست کی نئی بنیاد رکھنے جا رہا ہے، سینیٹ الیکشن میں خریداری کی ویڈیو الیکشن کمیشن کوپیش کیں، الیکشن کمیشن نے سینیٹ الیکشن کے معاملے پرکارروائی نہیں کی۔

وفاقی وزیر اطلاعات نے کہا کہ الیکشن کمیشن کارروائی کرتا توخریدوفروخت بند ہوجاتی، ہمارامؤقف ہے منحرف ارکان کی تاحیات نااہلی ہونی چاہیے، اسپیکرکافیصلہ ہوگامنحرف ارکان کاووٹ ماناجائےگایانہیں۔

دوسری جانب حماد اظہر نے کہا کہ پارٹی لیڈرکے خلاف ووٹ دینا امانت میں خیانت ہے، پورا یقین ہے سپریم کورٹ کے ججزآئین کی پاسداری کرینگے۔