ماضی کے معروف امریکی فروفیشنل ریسلر اسکاٹ ہال المعروف ریزر رامون 63 سال کی عمر میں انتقال کر گئے۔

غیر ملکی میڈیا رپورٹ کے مطابق ماضی میں ڈبلیو ڈبلیو ای میں ریزر رامون کے نام سے مشہور امریکی فروفیشنل ریسلر اسکاٹ ہال 63 سال کی عمر میں چل بسے۔

ریزر رامون کی موت کی خبر کے حوالے سے ڈبلیو ڈبلیو ای کا کہنا ہے کہ وہ کئی دنوں سے اسپتال میں زیرِ علاج تھے تاہم ہال آف فیم ریسلر اس وقت چل بسے جب لائف سپورٹ کو خاندان کی آمد کے بعد ہٹا دیا گیا۔

بین الاقوامی میڈیا رپورٹ کے مطابق اسکاٹ ہال کو لائف سپورٹ پر اس وقت رکھا گیا تھا جب کولہے کی سرجری کے دوران بلڈ کلاٹ کے باعث انہیں بیک وقت کئی ہارٹ اٹیکس کا سامنا ہوا۔

I’m gutted…Lost a brother

I love you Scott!!
I’ll see you down the road…#BuddySystem pic.twitter.com/Qx2he0TetS

— Triple H (@TripleH) March 15, 2022

یاد رہے کہ مشہور امریکی ریسلر اسکاٹ ہال نے اپنے کیرئیر کا آغاز 1984 میں کیا تھا اور متعدد اداروں کے ساتھ کام کرنے کے بعد انہوں نے 1981 میں ڈائمنڈ اسٹڈ کے نام سے ورلڈ چیمپئن شپ ریسلنگ میں شمولیت اختیار کی۔

Heart breaking, HUGE loss. He definitely made us all better – helped me with that one-of-a-kind Scott Hall insight. So many “Too Sweet” memories.

Scott – you will be missed. pic.twitter.com/Y2duSyrxlY

— Sting (@Sting) March 15, 2022

اسکاٹ ہال 1992 میں ریزر رامون کے نام سے ڈبلیو ڈبلیو ای کا حصہ بنے، جبکہ ڈبلیو ڈبلیو ای میں وہ 4 مرتبہ انٹر کانٹینٹل چیمپئن بھی رہے یہی وجہ ہے کہ انہیں اس کمپنی کی ‘نئی جنریشن’ کے چند بہترین اسٹارز میں سے ایک قرار دیا جاتا ہے۔

واضح رہے کہ اسکاٹ ہال المعروف ریزر رامون کے کیون نیش، بریٹ ہارٹ، شان مائیکلز سے مقابلے بہت زیادہ مقبول ہوئے بالخصوص ریسل مینیا 10 اور سمر سلیم 1995 میں شان مائیکلز کے ساتھ لیڈر میچز کو آل ٹائم کلاسیک تصور کیا جاتا ہے۔

اسکاٹ ہال نے 1996 میں ایک بار پھر ورلڈ چیمپئن شپ ریسلنگ میں شمولیت اختیار کی اور وہاں کیون نیش اور ہلک ہانگ کے ساتھ مل کر نیو ورلڈ آرڈر (این ڈبلیو او) کی بنیاد رکھی، جس نے ریسلنگ کی دنیا میں انقلاب برپا کیا اور ڈبلیو ڈبلیو ای اور ڈبلیو سی ڈبلیو کے درمیان منڈے نائٹ وارز کا آغاز ہوا۔

یاد رہے کہ ریٹائرمنٹ کے بعد اسکاٹ ہال کو 2014 میں ڈبلیو ڈبلیو ای ہال آف فیم کا حصہ بھی بنایا گیا۔