عمران خان بہتر فیصلے الیکشن کیلئے نہیں آنے والی نسلوں کیلئے کر رہے ہیں، اسد عمر

ویب ڈیسک

15th Mar, 2022. 05:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان بہتر فیصلے الیکشن کیلئے نہیں آنے والی نسلوں کیلئے کر رہے ہیں، اسد عمر

اسد عمرکا مزید کہنا تھا کہ شہبازشریف نے کہا کہ عمران خان نے قریبی دوستوں کو ناراض کیا، لیکن ہم نے شریف خاندان کے قریبی دوست مودی کو ناراض کیا۔

اسد عمر نے کہا ہے کہ عمران خان بہتر فیصلے الیکشن کیلئے نہیں آنے والی نسلوں کے لیے کر رہے ہیں۔

وفاقی وزیر برائے منصوبہ بندی اسد عمر نے اوورسیز کنونشن سے خطاب کرتے ہوئے کہا ہے کہ اوورسیز پاکستانیوں کو سلام پیش کرتا ہوں، ہماری ترسیلات زر میں 14.8ارب ڈالر کا اضافہ ہوا ہے۔

انہوں نے کہا کہ دنیا کہتی ہے جن 5 ملکوں نے کورونا کا مقابلہ کیا ان میں پاکستان شامل ہے، بورس جانسن نے کہا ماحولیات سے متعلق دنیا کوعمران خان سے سیکھنا چاہیے۔

اسدعمر نے کہا کہ پاکستانی لیڈرز سے متعلق ماضی میں صرف چوری کی خبریں چلتی تھیں، بل گیٹس نے پاکستان کی بڑی تعریف کی، پاکستان نے کورونا کے دوران بہترین اقدامات کیے، کورونا سے نمٹنے کیلئے ہماری پالیسیوں کو دنیا بھر میں سراہا گیا۔

وفاقی وزیر نے کہا کہ عالمی بینک نے کہا کہ احساس پروگرام دنیا کے بہترین پروگراموں میں سے ایک ہے، عمران خان بہتر فیصلے الیکشن کیلئے نہیں آنے والی نسلوں کے لیے کر رہے ہیں۔