بھارتی معروف اداکار اکشے کمار نے کہا ہے کہ میڈیا افواہوں کو ہوا دیتی ہے اور بےبنیاد باتیں خواہ مخواہ لکھ دی جاتی ہیں۔

بھارتی میڈیا رپورٹ کے مطابق بالی ووڈ کے شہرت یافتہ اداکار اکشے کمار نے ساتھی اداکار ارشد وارثی کے ساتھ اپنے اختلافات کی افواہوں کو بے بنیاد قرار دیا ہے۔

دونوں اداکاروں کے درمیان اختلافات پر مبنی یہ رپورٹ اس اس وقت سامنے آئی تھی جب 2017 میں فلم جولی ایل ایل بی 2 میں اکشے کو کاسٹ کیا گیا تھا، یہ 2013  میں ریلیز ہونے والی فلم جولی ایل ایل بی کا سیکوئل تھی اور اس میں ارشد کے بجائے اکشے نے مرکزی کردار ادا کیا تھا۔

یاد رہے کہ اکشے اور ارشد اپنی آئندہ آنے والی فلم میں پہلی بار اکٹھے کام کررہے ہیں اور دونوں نے ایک پروموشنل ایونٹ میں ایک دوسرے کو سراہا، جبکہ اس موقع پر اکشے نے ارشد سے اختلافات کی افواہوں کی مذمت کی اور انہیں بے بنیاد قرار دیا۔

اس ایونٹ میں جب اکشے نے ان افواہوں کا تذکرہ کیا اور انھوں نے کہا کہ جب میری جولی ایل ایل بی آنے والی تھی، تو ارشد نے پرمزاح انداز میں مداخلت کی اور پھر ہنستے ہوئے ایک دوسرے کے گلے لگ گئے تھے۔

اکشے کمار نے مزید کہا کہ جیسے پچھلی مرتبہ بھی کسی نے لکھ دیا تھا کہ میرا اور روہیت شیٹھی کا جھگڑا ہوا ہے، جبکہ ایسی کوئی بات نہیں تھی انہوں نے کہا کہ میڈیا نے یہ خوامخواہ لکھ دیا جو کہ بے بنیاد بات تھی۔

یاد رہے کہ اکشے اور ارشد وارثی کی فلم بچن پانڈے جلد ہی ریلیز ہونے والی ہے۔