معروف کامیڈین بھارتی سنگھ اور ہرش لمباچیا کے گھر جلد ہی ایک خوشخبری آنے والی ہے۔

حاملہ ہونے کے باوجود بھارتی خود کو کام میں مصروف رکھے ہوئے ہیں۔ وہ ان دنوں اپنے شوہر ہرش کے ساتھ کلرز کے شو ‘ہنرباز: دیش کی شان’ کی میزبانی کر رہی ہیں۔

حال ہی میں، بھارتی نے انکشاف کیا کہ ان کی ڈلیوری کب ہوگی اور گھر کلکاریوں سے کب گونجے گا۔

 بھارتی سنگھ کی ایک ویڈیو سوشل میڈیا پر وائرل ہو رہی ہے جس میں وہ گڑیا کی تھاپ پر رقص کرتی نظر آرہی ہیں۔

بھارتی کی خوشی دیکھ کر وہاں کھڑے فوٹو گرافرز خود کو نہ روک سکے اور ان سے پوچھا کہ بھارتی سنگھ اور ہرش لمباچیا کے گھر کب خوشیاں آرہی ہیں؟

پیپرازیوں کے اس سوال پر بھارتی سنگھ نے انہیں مایوس نہیں کیا اور بتایا کہ وہ کب ماں بننے والی ہیں۔

کامیڈی کوئین نے کہا کہ ‘بھائی آپ اپریل کے پہلے ہفتے میں کسی بھی وقت ماموں بن سکتے ہیں۔

بھارتی کی بات سننے کے بعد یہ یقینی ہے کہ آنے والے کچھ دنوں میں بھارتی ایک گڈ نیوز دینے والی ہے۔

اس سے قبل بولی وڈ لائف کو انٹرویو دیتے ہوئے بھارتی نے انکشاف کیا تھا کہ وہ نارمل ڈیلیوری چاہتی ہیں۔ انہوں نے بتایا تھا کہ اس کے لیے میں نے ہر دوسرے دن یوگا کرنا شروع کر دیا ہے۔

انہوں نے کہا کہ میں واقعی سیزیرین سے ڈرتی ہوں، میں نے سنا ہے کہ بعد میں بہت درد ہوتا ہے۔

ان کا کہنا تھا کہ میں ورکنگ مدر بننے جا رہی ہوں اس لیے زندگی میں مزید پیچیدگیاں نہیں چاہتی۔

 بھارتی نے کہا تھا کہ میں نارمل ڈیلیوری کے لیے بہت محنت کر رہی ہوں اور اپنے ڈاکٹر کی تمام ہدایات پر عمل کر رہی ہوں۔

انہوں نے گفتگو میں بتایا کہ وہ صبح کم از کم ایک گھنٹہ واک کرتی ہیں اور یوگا کرتی ہیں، جو ان کے ٹرینر نے بتایا ہے۔

 بھارتی نے حال ہی میں انسٹاگرام پر بیبی بمپ فلانٹ کے ساتھ کئی تصاویر شیئر کی ہیں۔ انہوں نے بیبی بمپ کے ساتھ اسٹائلش فوٹو شوٹ کرایا ہے۔