پاک افغان دوطرفہ تجارت، مشیر تجارت کا بیان سامنے آگیا

ویب ڈیسک

08th Mar, 2022. 06:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک افغان دوطرفہ تجارت، مشیر تجارت کا بیان سامنے آگیا

پاک افغان دو طرفہ تجارت پر مشیر تجارت عبدالرزاق داؤد کا بیان سامنے آگیا ہے۔

تفصیلات کے مطابق مشیر تجارت عبدالرزاق نے کہا کہ پاکستان اور افغانستان نے دونوں ممالک کے درمیان ایک دوسرے کے ٹرکوں کی آزادانہ نقل و حرکت کی اجازت دےدی ہے،21 مارچ 2022 سے دونوں ممالک کے ٹرک سرحد کے آر پار جاسکیں گے۔

ان کا کہنا تھا کہ یہ نقل و حرکت عارضی داخلہ کی دستاویزات (ٹی اے ڈی) کے ذریعے ہو سکے گی۔

عبدالرزاق داؤد نے کہا کہ افغان ٹرانسپورٹرز کابل میں پاکستانی سفارت خانہ اور قندھار میں قونصل خانہ سےاجازت نامہ حاصل کر سکتے ہیں جبکہ پاکستانی ٹرانسپورٹرز پشاور اور کوئٹہ کے قونصل خانوں سے عارضی اجازت نامہ حاصل کر سکتے ہیں۔

مشیر تجارت عبدالرزاق داؤد کا مزید کہنا تھا کہ یہ ایک تاریخی پیشرفت ہے،اس سے ہمارے تجارتی تعلقات افغانستان، وسطی ایشیا اور اس سے بھی آگے تک بڑھیں گے۔