بالی ووڈ کے صدا بہار لیجنڈ اداکار انیل کپور نے حقیقی زندگی میں ’نانا‘ بننے کی تیاری شروع کردی۔

سپر اسٹارانیل کپور نے انسٹاگرام پر جاری پیغام میں اپنی خوشی کا اظہار کرتے ہوئے  انکشاف کیا کہ وہ اب اپنی زندگی کے سب سے دلچسپ کردار ’نانا‘ بننے کی تیاری کر رہے ہیں۔

اداکارہ سونم کپور کے ہاں جلد ننھے مہمان کی آمد متوقع

انیل کپور کی صاحبزادی  اور بالی ووڈ اسٹار سونم کپور  کے ہاں جلد ننھے مہمان کی آمد متوقع ہے۔

سونم کپور اور ان کے شوہر آنند آہوجا نے انسٹاگرام پر مداحوں کو خوشخبری سُناتے ہوئے کہا کہ ہم فیملی میں اس نئے مہمان کا خیر مقدم کرنے کے لئے بے چین ہیں۔

اس جوڑے نے ایک مشترکہ پوسٹ میں نئے مہمان سے مخاطب ہوتے ہوئے لکھا کہ  ایک خاندان، آپ کو پیار اور حمایت سے نوازے گا۔

انہوں نے کہا کہ ہم آپ کو خوش آمدید کہنے کے منتظر ہیں، ساتھ ہی ایموجیز کا بھی استعمال کیا۔

اداکارہ سونم نے یہ بھی اعلان کیا کہ بچہ رواں برس موسمِ خزاں میں ان کے ہاتھوں میں ہوگا۔

اس جوڑے کی جانب سے پوسٹ وائرل ہوتے ہی متعدد مشہور شخصیات اور مداحوں نے انہیں اس خوشخبری پر مبارکباد دی۔

واضح رہے کہ اداکارہ سونم کپور اور آنند آہوجا کی شادی مئی 2018 میں ہوئی تھی۔