پوری قوم ملک سے دہشتگردی کے خاتمے کیلئے متحد ہے، ڈپٹی اسپیکر قومی اسمبلی

ویب ڈیسک

04th Mar, 2022. 02:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پوری قوم ملک سے دہشتگردی کے خاتمے کیلئے متحد ہے، ڈپٹی اسپیکر قومی اسمبلی

ڈپٹی اسپیکر قومی اسمبلی قاسم خان سوری نے کہا ہے کہ پوری قوم ملک سے دہشتگردی کے خاتمے کیلئے متحد ہے۔

اسپیکر قومی اسمبلی اسد قیصر اور ڈپٹی اسپیکر قاسم خان سوری نے پشاور کوچہ رسالدار کی جامع مسجد میں ہونے والے دھماکے کی مذمت کرتے ہوئے کہا کہ مسجد میں ہونے والا دھماکہ دہشتگردی کی بدترین مثال ہے۔

اسپیکر اور ڈپٹی اسپیکر نے دھماکے میں ہونے والے قیمتی انسانی جانی نقصان پر گہرے دکھ اور افسوس کا اظہار کیا ہے۔

اسد قیصر اور قاسم خان سوری نے کہا کہ دہشتگرد کارروائیوں میں ملوث عناصر انسانیت اور ملک کے دشمن ہیں۔

یہ بھی پڑھیں: پشاور میں دھماکا، 30 افراد شہید جبکہ 50سے زائد زخمی

انہوں نے کہا کہ دہشتگردی میں ملوث عناصر اپنے مذموم مقاصد کی تکمیل کیلئے معصوم شہریوں کو نشانہ بنارہے ہیں، عبادت گاہوں کو دہشتگردی کا نشانہ بنانے والے انسانیت کے نام پر دھبہ ہیں۔

اسپیکر اور ڈپٹی اسپیکر نے مزید کہا کہ پوری قوم ملک سے دہشتگردی کے خاتمے کیلئے متحد ہے، دہشتگردی میں ملوث عناصر سے آہنی ہاتھوں سے نمٹا جائے گا۔

اسد قیصر اور قاسم خان سوری نے دھماکے میں شہید ہونے والوں کے لواحقین سے بھی دلی ہمدردی کا اظہار کیا اور شہداء کے درجات کی بلندی اور زخمیوں کی جلد صحت یابی کے لئے بھی دعا کی۔