دنیا کے بڑا اور پرانا کرپٹو کرنسی ایکسچینج مغربی طاقتوں کے سامنے ریت کی دیوار کی طرح ڈھے گیا۔

کرپٹو کرنسی کی لین دین کرنے والی امریکی کمپنی کوائن بیس نے یورپی یونین، برطانیہ، امریکا اور یوکرین کی درخواست پر روس سے تعلق رکھنے والے 25 ہزار سے زائد کرپٹو اکاؤنٹ بلاک کردیے ہیں۔

کوائن بیس کے پلیٹ فارم پر شایع ہونے والے بلاگ میں کہا گیا ہے کہ وہ روس پر عائد پابندیوں پر عمل درآمد کرتے ہوئے ملٹی لیئر ورلڈ وائیڈ پابندیوں کے پروگرام پر کام کررہے ہیں۔

 مزید پڑھیں: کالے دھن کی محفوظ پناہ گاہ سوئٹزر لینڈ میں بٹ کوائن پر پابندی 

کمپنی کا کہنا ہے کہ ان پابندیوں کے تناظر میں ہم نے 25 ہزار سے زائد ایسے انفرادی اور کاروباری کرپٹو اکاؤنٹس کو بلاک کیا ہے جو کہ غیر قانونی سرگرمیوں میں ملوث پائے گئے ہیں۔

کمپنی کا مزید کہنا ہےکہ ہم نے بلاک کیے جنے والے کرپٹو ایڈریسز کو امریکا حکام کے ساتھ بھی شیئر کیا ہے۔

 جب کہ آج ہی دنیا بھر میں کالے دھن کے لیے محظفوظ ترین ملک سوئٹزر لینڈ نے بھی 223 سے زائد روسی شخصیات کے کرپٹو اثاثوں پر پابندی عائد کردی ہے۔

یاد رہے کہ گزشتہ ہفتے کوائن بیس اور بائنینس نے روس سے تعلق رکھنے والے کرپٹو ایڈریسز پر ہپابندی لگانے سے انکار کردیا تھا۔

اس بابت ان کا کہنا تھا کہ جنگ کے دوران کرپٹو اکاؤنٹ پر پابندی سے روسی شہریوں کی مشکلات میں مزید اضافہ ہوجائے گا۔

جب کہ دوسرئ بڑے ایکسچینج بائنینس کے ترجمان نے روسی شہریوں کے کرپٹو ایڈریسز پر پابندی کے مطالبے پر تحفظات کا اظہار کر تے ہوئے کہا تھا کہ کرپٹوکا مقصد دنیا بھر میں لوگوں کو مالیاتی آذادی فراہم کرنا ہے، بنا کسی جواز کے لوگوں کی ان کے کرپٹو اکاؤنٹس تک رسائی روکنے سے کرپٹو کرنسی کی موجودگی کا جواز ہی ختم ہوجائے گا۔‘