پاکستان اور کشمیری عوام کا واحد لیڈر نواز شریف ہے،راجہ فاروق حیدر

ویب ڈیسک

07th Mar, 2022. 11:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور کشمیری عوام کا واحد لیڈر نواز شریف ہے،راجہ فاروق حیدر

راجہ فاروق حیدر نے کہا ہے کہ پاکستان اور کشمیری عوام کا واحد لیڈر نواز شریف ہے۔

سابق وزیر اعظم آزاد جموں کشمیر راجہ فاروق حیدر نے پریس کانفرنس کرتے ہوئے کہا کہ مودی نے بھارت میں کشمیر کی حثیت کو تبدیل کیا اور عمران خان نے بھی وہی اقدام گلگت بلتستان میں کیا۔

اپنے بیان میں راجہ فاروق حیدر نے کہا کہ آزاد جموں کشمیر میں بھی عدم اعتماد کے بارے سوچا جاسکتا ہے۔

سابق وزیر اعظم آزاد جموں کشمیر کا کہنا تھا کہ وزیر اعظم نےاپوزیشن کے حوالے جو زبان استعمال کی وہ گلی محلے کے بچوں والی تھی۔

راجہ فاروق حیدر نے کہا کہ جو کام پی ڈی ایم نے 23 مارچ کو کرنا تھا وہ عوامی لانگ مارچ نے کردیا۔

انہوں نے کہا کہ آزاد جموں کشمیر کے گزشتہ الیکشن میں ن لیگ کو دھاندلی کر کے شکست دی گئی، پاکستان اور کشمیری عوام کا واحد لیڈر نواز شریف ہے۔

سابق وزیر اعظم آزاد جموں کشمیر راجہ فاروق حیدر کا مزید کہنا تھا کہ یورپی یونین کے حوالے سے عمران خان بیان سیاسی پوائنٹ اسکورننگ تھا، انتخابی اصلاحات کرکے بہت جلد پاکستان میں شفاف الیکشن ہونگے۔