گزشتہ دنوں سوشل میڈیا پر زینب شبیر اور اُسامہ خان کی منگنی کی خبریں گردش کر رہی تھیں تاہم اب اداکارہ نے ان خبروں کی تردید کر دی ہے۔

رپورٹ کے مطابق پاکستانی ڈرامہ انڈسٹری کی اُبھرتی اداکارہ زینب شبیر اور اداکار اسامہ خان کی جانب سے اپنی منگنی کی تردید کی گئی ہے۔

ایک موقع پر زینب شبیر نے کہا کہ میری اور اُسامہ کی منگنی کی خبریں افواہوں پر مبنی ہیں۔

دوسری جانب اس حوالے سے اُسامہ خان کا کہنا تھا کہ ’اُن کی زینب کے ساتھ منگنی کی افواہوں پر  اُنہیں سینئر اداکارہ روبینہ اشرف نے مبارکباد تک دے دی تھی، روبینہ اشرف کا کہنا تھا کہ بہت پیاری لڑکی ہے چھوڑنا مت۔‘

اداکار نے کہا کہ منگنی کی افواہوں کے بعد اُن سے دیگر تقریبات میں سوال بھی کیا گیا کہ آپ اپنی منگیتر کے ساتھ کیوں نہیں آئے ہیں؟

یہاں تک کہ انہیں سوشل میڈیا پر کمنٹ باکس میں سوشل میڈیا صارفین کی جانب سے زینب سے جَلد شادی کا مشورہ دیا جا چکا ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by World of Pakistani Stars 😍 (@starsworld.pk)

اسامہ خان کا منگنی کی افواہوں پر ہنستے ہوئے مزید کہنا تھا کہ میری شادی کی عمر نکلتی جا رہی ہے اور زینب کے ساتھ منگنی کی افواہوں کے بعد میرے رشتے آنا بند ہو گئے ہیں۔

زینب شبیر اور اسامہ خان کے اس انٹرویو کی ویڈیو کے کمنٹ باکس میں مداحوں کی جانب سے اس جوڑی میں ریلیشن شپ سے متعلق چہ مگوئیاں اب بھی جاری ہیں۔

واضح رہے کہ دونوں اداکاروں کے مداحوں کا کہنا ہے کہ یہ چھپا رہے ہیں، اِن میں تعلق تھا اور اب بریک اپ ہو چکا ہے۔