یوکرین پر جنگ مسلط کرنے کے بعد روس کو جہاں المی سطح پر تجارتی اور دیگر پابندیوں کا سامنا ہے، وہیں روس کو آن لائن ادائیگی کے بین الاقوامی نظام ”سوئفٹ“ سے بھی بے دخل کردیا گیا ہے۔

ویسے تو پاکستان نے روس کی حمایت یا مخالفت کا کوئی باضابطہ اعلان نہیں کیا ہے، لیکن اکثریت کی سوچ یہی ہے کہ پاکستان روس کا حامی ہے۔

جہاں یہ سوچ پروان چڑھ رہی ہے کہ پاکستان روسی جارحیت کا مخالف نہیں، وہیں دنیا کے لیے یہ بات شاید شدید جھٹکے کا باعث ہوسکتی ہے کہ روس کی ”سوئفٹ“ سے بے دخلی کے پیچھے ایک پاکستانی کا ہاتھ ہے۔

روس کو آن لائن ادائیگی کے بین الاقوامی نظام سے بے دخل کرنے کا فیصلہ اس کے پاکستانی نژاد امریکی چیئرمین یاور شاہ نے کیا ہے۔

سوئفٹ کے پاکستانی نژاد امریکی چیئرمین یاور شاہ

 SWIFT کیا ہے؟

SWIFT ایک ایسا نیٹ ورک ہے جسے بینک رقم کی منتقلی اور دیگر لین دین کے حوالے سے محفوظ پیغامات بھیجنے کے لیے استعمال کرتے ہیں۔

تقریباً 200 ممالک میں 11 ہزار سے زیادہ مالیاتی ادارے SWIFT استعمال کرتے ہیں، جو اسے بین الاقوامی مالیاتی منتقلی کے نظام کی ریڑھ کی ہڈی بناتا ہے۔

SWIFT  کام کیسے کرتا ہے؟

SWIFT کے پاس انٹرنیشنل بینکنگ نمبرز اور بینکوں کے شناختی کوڈز ریکارڈ کرنے کی اجازت ہے۔

یہ دنیا بھر سے 11 ہزار سے زائد مالیاتی اداروں کو آپس میں جوڑتا ہے اور سالانہ 5 بلین سے زاید مالیاتی پیغامات نشر کرتا ہے۔

کلائنٹس جب کوئی ٹرانزیکشنز کرتے ہیں تو یہ انہیں بینکوں سے جوڑتا ہے۔

اگر دو ادارے آپس میں پارٹنرز نہیں تو سوئفٹ ثالثی ادارہ بن کر ان دونوں کے درمیان رابطہ کراتا ہے۔

یہ خود کو ایک قابل اعتماد اور محفوظ سسٹم ہونے کا دعویٰ کرتا ہے جو بینکنگ پارٹنز کے درمیان ٹرانزیکشن کرتا ہے۔

SWIFT کس کی ملکیت ہے؟

 SWIFTبیلجیئم قانون کے تحت قائم کی گئی ایک کوآپریٹو کمپنی ہے۔ اس کی ویب سائٹ پر موجود تفصیلات میں کہا گیا ہے کہ “یہ اپنے  شیئر ہولڈرز (مالی اداروں) کی ملکیت ہے جو اسے کنٹرول کرتے ہیں اور دنیا بھر سے تقریباً 3,500 فرموں کی نمائندگی کرتے ہیں”۔

SWIFT کے چیئرمین یاور شاہ ہیں جو پاکستانی نژاد امریکی بینکر ہیں اور اس کے سی ای او اسپین کے جاویئر پیریز تاسو ہیں۔