ترکی کی مشہور حلیمہ سلطان کا کردار ادا کرنے والی اداکارہ اسرا بیلگیچ نے انسٹاگرام پر صرف عائشہ عمر کو فالو کیوں کیا ہے، اداکارہ نے بتا دیا۔

رپورٹ کے مطابق پاکستان کی مشہور اداکارہ عائشہ عمر حال ہی میں ماڈل و میزبان انوشے اشرف کے ہمراہ احسن خان کے شو ’’ٹائم آؤٹ ود احسن خان‘‘ میں ترکی کی مشہور اداکارہ اسرابلگیچ المعروف حلیمہ سلطان نے سوشل میڈیا پر تمام پاکستانی اداکاراؤں میں صرف عائشہ عمر کو ہی کیوں فولو کیا ہے۔

اس حوالے سے میزبان اداکار احسن خان کی جانب سے عائشہ عمر سے سوال کیا گیا کہ حلیمہ سلطان نے انسٹاگرام پر آپ کو فولو کیا، یہ تعلق کیسے شروع ہوا؟

اس سوال کے جواب میں عائشہ عمر نے ہنستے ہوئے کہا کہ انہیں خود بھی نہیں معلوم کہ یہ معجزہ کیسے ہوا۔

بعدازاں عائشہ عمر نے وضاحت دیتے ہوئے کہا میں ذاتی طور پر حلیمہ سلطان کو نہیں جانتی، لیکن میں ان کے کام اور ان کی شخصیت کی بہت بڑی مداح ہوں۔ تاہم جہاں تک ان کا مجھے فولو کرنے کا تعلق ہے تو ہوسکتا ہے کہ میں نے کوئی بیان دیا ہو جو انہیں اچھا لگا ہو اور انہوں نے مجھے فولو کیا۔

عائشہ عمر نے مزید کہا حلیمہ سلطان نے کسی پاکستانی کو انسٹاگرام پر فولو نہیں کیا میں پہلی پاکستانی اداکارہ ہوں جسے انہوں نے انسٹاگرام پر فولو کیا۔

ان کا کہنا تھا کہ شاید حلیمہ سلطان کو میرا کام یا میری کوئی بات اچھی لگی ہوگی، عائشہ عمر نے مذاقاً کہا شاید انہوں نے میرا ڈراما ’’بلبلے‘‘ دیکھا ہوگا اور انہیں وہ ڈراما اتنا اچھا لگا ہوگا کہ انہوں نے مجھے انسٹاگرام پر فولو کرلیا۔

تاہم انوشے اشرف نے کہا کہ عائشہ پاکستان کی بڑی اسٹار ہیں اگر انہیں کوئی غیر ملکی اداکار فالو کرتا ہے تو اس میں کوئی بڑی بات نہیں ہے۔