آصف علی زرداری نے کہا ہے کہ ہم سب مل کر سلیکٹڈ کو باہر نکالیں گے۔

سابق صدر آصف علی زرداری نے عوامی جلسے سے خطاب کرتے ہوئےکہا کہ  ساری پارٹیاں مل کربیٹھیں گی اور مائنس سلیکٹیڈ ہوگا

 انہوں نے کہا کہ اگر ہم نے اس کو رہنے دیا تو آنے والی نسلیں بھی ہمیں معاف نہیں کرے گا۔

آصف علی زرداری نے کہا کہ ہم سب مل کر سلیکٹڈ کو باہر نکالیں گے کیونکہ اگر ہم نے اس کو نانکالا تو ہماری قبریں بھی ہمیں معاف نہیں کریں گی۔

سابق صدر آصف علی زرداری کا مزید کہنا تھا کہ یہ جو کہتا ہے کہ سڑکوں پر آگیا تو میں زیادہ خطرناک ہوجاؤں گا، میں کہتا ہوں آو تو سہی پتہ چل جائے گا۔

واضح رہے اس سے قبل سابق صدر آصف علی زرداری نے مسلم لیگ (ن) کے صدر شہباز شریف اور مولانا فضل الرحمان کے ہمراہ مشترکہ پریس کانفرنس کرتے ہوئے کہا کہ اکیلی جماعت پاکستان کو مشکل سے نہیں نکال سکتی، ہمیں مل کر کام کرنا ہوگا، ہم سب دوستوں کو دعوت دیں گے اور آنے والی نسلوں کو اس مشکل سے آزادی دلائیں گے۔

ایک سوال کے جواب میں سابق صدر آصف علی زرداری نے کہا کہ اس بار 172 سے زائد اراکین ہمارے ساتھ ہیں، صرف اپوزیشن رہنما نہیں بلکہ حکومت کے اپنے ارکان بھی ان سے بیزار ہیں کیوں کہ ان کو بھی واپس اپنے حلقوں میں جانا ہے۔

صحافی کی جانب سے جب پوچھا گیا کہ آپ ہمیں بتاسکتے ہیں آپ کے پاس کتنے ارکان ہیں جس پر آصف زرداری نے جواب دیا ’’ یہ چاہ رہے ہیں میں انہیں تعداد کے ساتھ ساتھ ان کے نام بھی بتادوں‘‘۔ جس  پر پورے ہال میں قہقہے گونج اٹھے۔

پیپلزپارٹی کے شریک چیئرمین کا کہنا تھا کہ  ہم نے ماضی میں بھی تحریک عدم اعتماد کا مقابلہ کیا، میں نے اس صدر کے پاس وہ اختیار ہی نہیں چھوڑا کہ اسمبلی تحلیل کردے۔