یہ عوام کے مسائل کی جنگ ہے اور اس میں کامیاب ہونا ضروری ہے، حمزہ شہباز

ویب ڈیسک

10th Mar, 2022. 11:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یہ عوام کے مسائل کی جنگ ہے اور اس میں کامیاب ہونا ضروری ہے، حمزہ شہباز

پنجاب اسمبلی میں اپوزیشن لیڈر حمزہ شہباز نے کہا ہے کہ عدم اعتماد کی تحریک اپوزیشن کی نہیں بلکہ عوامی مسائل کی جنگ ہے اور اس میں کامیاب ہونا بہت ضروری ہے۔

میڈیا سے گفتگو کرتے ہوئے مسلم لیگ ن کے رہنما حمزہ شہباز نے کہا کہ عدم اعتماد کی تحریک کا کامیاب ہونا ضروری ہے۔

انہوں نے کہا کہ عوام کے مستقبل کا سوال ہے اور ہمیں پاکستان کے ساتھ دوستی نبھانی ہے۔

ان کا کہنا تھا کہ عمران نیازی نے ملکی معیشت کی بنیادیں ہلا دی ہیں اور یہ ملک کیلئے خطرہ بن چکے ہیں اس لئے ان کا جانا ضروری ہے۔

انہوں نے مزید کہا کہ عمران نیازی نے 4 سالوں میں غربت، بے روزگاری کا نام نہیں لیا، یہ صرف اپنی انتقام کی آگ میں بولتے ہیں ۔

حمزہ شہباز کا کہنا تھا کہ عمران نیازی نے اپوزیشن پر ذاتی حملے کیے ہیں لیکن ہم سیاسی جواب دیں گے۔

انہوں نے کہا کہ عمران نیازی جب بولتے ہیں تو ملکی مفادات کا نقصان کرتے ہیں لیکن اب عوام ان کی تقریریں سن سن کر تھک گئی ہے۔