نیوزی لینڈ میں کھیلے گئے ویمن ورلڈکپ کے 28ویں میچ میں جنوبی افریقہ نے  سنسنی خیز مقابلے کے بعد بھارت کو 3 وکٹوں سے شکست دے دی ہے۔

تفصیلات کے مطابق کرائسٹ چرچ میں کھیلے گئے اس میچ میںبھارت نے ٹاس جیت کر پہلے بیٹنگ کا فیصلہ کیا۔

بھارت نے پہلے کھیلتے ہوئے مقررہ 50 اوورز میں 7 وکٹوں کے نقصان پر 274 رنز بنائے۔

بھارت کی جانب سے سمرتی مندھانا نے 71 رنز کی اننگ کھیلی،کپتان متھالی راج نے 68 رنز بنائے،شفالی ورما 53 جبکہ ہرمانپریت کور نے 48 رنز کی اننگ کھیلی۔

جنوبی افریقہ کی جانب سے شبنم اسماعیل  اور مساباٹا کلاس نے 2،2 وکٹیں حاصل کیں جبکہ ایابونگا خاکا اور چلوئے ٹریون نے 1،1 وکٹ حاصل کی۔

بھارت کی جانب سے دیا گیا ہدف جنوبی افریقہ نے  آخری بال پر 7 وکٹوں کے نقصان پر حاصل کرلیا۔

جنوبی افریقہ کی جانب سے لورا وولوارڈٹ نے 80 رنز کی شاندار اننگ کھیلی،مگنون ڈو پریز نے ناقابل شکست 52 رنز کی اننگ کھیلی،لورا گوڈال 49،ماریزانے کاپ32 جبکہ کپتان سن لوس نے 22 رنز بنائے۔

بھارت کی  جانب سے راجیشوری گایکواد اور ہرمانپریٹ نے 2،2 وکٹیں حاصل کیں۔

جنوبی افریقہ کی مگنون ڈو پیز کو  52 رنز کی ناقابل شکست اننگ کھیلنے پر مین آف دی میچ کاایوارڈ دیاگیا۔