فواد چوہدری نے تحریک عدم اعتماد کو روکنے کا پلان بتا دیا

ویب ڈیسک

14th Mar, 2022. 05:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فواد چوہدری نے تحریک عدم اعتماد کو روکنے کا پلان بتا دیا

وفاقی وزیر برائے اطلاعات و نشریات فواد حسین چوہدری نے پاکستان تحریک انصاف (پی ٹی آئی) کے اراکینِ قومی اسمبلی کو تحریکِ عدم اعتماد پر ووٹنگ میں حصہ لینے سے روکنے کے لیے مرتب کیا گیا پلان بتا دیا۔

نجی ٹی وی سے گفتگو فواد چوہدری نے بتایا کہ وزیراعظم تحریک عدم اعتماد پر ووٹنگ والے دن ڈی چوک پر جلسہ کیا جائے گا تاکہ اسمبلی اجلاس میں حکومتی اراکین کو ووٹ کاسٹ کرنے سے روکا جاسکے۔

وفاقی وزیر برائے اطلاعات و نشریات نے کہا کہ تحریکِ عدم اعتماد پر ووٹنگ ہوئی تو صورتِ حال بہت خطرناک ہوگی، تمام پارٹیاں ایک دوسرے پر چڑھی ہوئی ہوں گی اور اب تو جلسہ بھی ہورہا ہے۔

فواد چوہدری کا مزید کہنا تھا کہ اپوزیشن والے ننھے مُنّے جلسے لے کر آرہے ہیں ایک بڑا جلسہ ہم بھی کرلیں اور اپوزیشن والے بھی دیکھ لیں کہ بڑا جلسہ ہوتا کیا ہے۔ وہ دیکھ لیں کہ لوگ ہمارے ساتھ ہیں یا نہیں، اس طرح سے یہ بھی ایک چھوٹا سا ریفرنڈم ہو جائے گا۔

انہوں نے بتایا کہ جلسہ ڈی چوک کے گیٹ پر ہوگا اور لوگوں کو ووٹ کاسٹ کرنے کے لیے اس کلے اندر سے گزر کر جانا پڑے گا اور واپس بھی اسی جلسے سے آنا پڑے گا۔

فواد چوہدری نے دعویٰ کیا جلسے میں 10 لاکھ بندے ہوں گے، اب دیکھنا ہے کہ صورتحال کیا بنتی ہے۔