پشاور، موبائل فوڈ ٹیسٹنگ لیبارٹری نے باقاعدہ طور پر کام کا آغاز کردیا

ویب ڈیسک

10th Mar, 2022. 09:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پشاور، موبائل فوڈ ٹیسٹنگ لیبارٹری نے باقاعدہ طور پر کام کا آغاز کردیا

صوبائی دارالحکومت پشاور میں موبائل فوڈ ٹیسٹنگ لیبارٹری نے باقاعدہ طور پر کام کا آغاز کردیا ہے۔

تفصیلات کے مطابق حیات آباد کے مختلف علاقوں میں دودھ کے نمونوں کا معائنہ کرکے 50 لیٹر سے زائد ملاوٹی دودھ تلف کردیا گیا ہے۔

فوڈ سیفٹی اتھارٹی کا کہنا ہے کہ شہریوں نے بھی گھروں سے دودھ کے نمونے لیبارٹری سے ٹیسٹ کروائیں، شہر کے مختلف مقامات پر ٹیسٹنگ کے لئے کیمپس لگائے جارہے ہیں۔

فوڈ سیفٹی اتھارٹی نے بتایا کہ شہری شیڈول کے مطابق لیبارٹری سے مفت ٹیسٹ کروا سکتے ہیں۔

واضح رہے کہ کچھ روز قبل ہی خیبرپختونخوا فوڈ سیفٹی اتھارٹی کی جانب سے جعلی گڑ تیار کرنے والے یونٹ کے خلاف کی گئی کارروائی کے نتیجے میں 1400 کلو چینی، خراب گڑ اور مضر رنگ ضبط کرلیا گیا تھا۔

ڈی جی فوڈ سیفٹی اتھارٹی شاہ رخ علی خان کا کہنا ہے کہ یونٹ میں گنے کے بجائے چینی، خراب گڑ اور مضر صحت رنگوں کی مدد سے گڑ تیار کیا جارہا تھا۔

ڈی جی فوڈ سیفٹی اتھارٹی کے مطابق مارکیٹ میں صاف اور محفوظ خوراک کی فراہمی یقینی بنا رہے ہیں، عوام بھی ملاوٹ مافیا کے خلاف شکایات ہمارے ٹال فری نمبر پر درج کرائیں۔

یہ بھی پڑھیں: خیبرپختونخوا فوڈ سیفٹی اتھارٹی کی کارروائی، جعلی مشروبات برآمد