مشہور ٹی وی سیریز ہاؤس آف ڈریگن کو اگست میں ریلیز کرنے کا اعلان کر دیا گیا۔

بین الااقوامی میڈیا رپورٹ کے مطابق ایچ بی او نے مشہور ترین ٹی وی سیریز ‘گیم آف تھرونز’ کی پری سیکوئل سیریز ’ہاؤس آف ڈریگن‘ کو اگست 2022 میں ریلیز کرنے کا اعلان کر دیا۔

اس حوالے سے ’ہاؤس آف ڈریگن‘ کے ٹوئٹر ہینڈل پر نئی سیریز کی جھلکیاں شیئر کرتے ہوئے اسے رواں برس ریلیز کرنے کی تصدیق کی گئی۔

August 21. #HouseoftheDragon pic.twitter.com/tQr8iH3xuS

Advertisement

— Hero Mode | HBO Max (@HeroMode) March 30, 2022

یاد رہے کہ اکتوبر 2021 میں ’ہاؤس آف ڈریگن‘ کا ٹیزر جاری کیا گیا تھا، جس کے بعد مخِتلف کرداروں کی جھلکیاں بھی شیئر کی گئی تھیں۔

تاہم اب ہاؤس آف ڈریگن کے ٹوئٹر ہینڈل کی جانب سے ’ہاؤس آف ڈریگن‘ کو 21 اگست کو ریلیز کرنے کا اعلان کردیا گیا ہے، پری سیکوئل کے جاری کیے گئے ٹیزر میں بتایا گیا تھا کہ ’ہاؤس آف ڈریگن‘ کی کہانی ’گیم آف تھرونز‘ کی کہانی سے 200 سال قبل شروع ہوتی ہے۔

Alicent Hightower.

Advertisement

August 21. #HouseoftheDragon pic.twitter.com/Gjm0Cbshlo

— House of the Dragon (@HouseofDragon) March 30, 2022

خیال رہے کہ ہاؤس آف ڈریگن کے ٹیزر میں شہرہ آفاق ’گیم آف تھرونز‘ کی طرح بادشاہوں کے درمیان جھگڑے، آگ، جنگ اور سازشوں کی جھلک دکھائی گئی تھی۔

ٹیزر میں میٹ سمتھ کو بادشاہ کے روپ میں دکھایا گیا تھا جب کہ دیگر کاسٹ میں پیڈی کونسیڈائن، سونویا مزینو، اسٹیو ٹوسینٹ، ریس افانس اور اولیویا کک بھی شامل ہیں۔

Advertisement

Lord Corlys Velaryon & Princess Rhaenys Targaryen.

August 21. #HouseoftheDragon pic.twitter.com/B6Srv5UoC8

— House of the Dragon (@HouseofDragon) March 30, 2022

غیر ملکی میڈیا رپورٹ میں بتایا گیا ہے کہ جن ممالک میں ایچ بی او کی سروس دستیاب نہیں ہے، وہاں اس سریز کو مختلف اسٹریمنگ ویب سائٹس پر ریلیز کیے جانے کا امکان ہے۔

Advertisement

Young Rhaenyra & Young Alicent.

August 21. #HouseoftheDragon pic.twitter.com/VAAFqykM9e

— House of the Dragon (@HouseofDragon) March 30, 2022

واضح رہے کہ پری سیکوئل سیریز کی کہانی جارج آر آر مارٹن کے ناول ’فائر اینڈ بلڈ‘ سے لی گئی ہے جو گیم آف تھرونز کے ناول ‘اے سانگ آف آئس اینڈ فائر’ کا پری سیکوئل ہے۔

گیم آف تھرونز کے شائقین کے انتظار کی گھڑیاں ختم ہو گئی ہیں اور اس کی پری سیکوئل سیریز ہاؤس آف ڈریگن 21 اگست 2022 کو ریلیز کر دی جائے گی۔ تاہم ہاؤس آف ڈریگن کے کتنے سیزن ہوں گے اور ہر سیزن میں کتنی قسطیں ہوں گی یہ ابھی تک واضح نہیں کیا گیا ہے۔

Dreams didn’t make us kings. Dragons did.
The @HBO original series #HouseoftheDragon is coming to @HBOMax in 2022. #HBOMaxEurope pic.twitter.com/y29bn3nFIA

— House of the Dragon (@HouseofDragon) October 5, 2021