عثمان بزدار نے کہا ہے کہ ہم سب وزیراعظم عمران خان کے سپاہی ہیں۔
وزیراعلیٰ پنجاب سردار عثمان بزدار سے اراکین اسمبلی نے ملاقات کی جس میں سیاسی صورتحال اور ترقیاتی منصوبوں میں ہونے والی پیش رفت پر تبادلہ خیال کیا گیا۔
عثمان بزدار سے پاکپتن سے تعلق رکھنے والے رکن پنجاب اسمبلی احمد شاہ کھگہ، گجرات سے تعلق رکھنے والے اراکین پنجاب اسمبلی میاں محمد اختر حیات، چوہدری لیاقت علی اور سلیم سرور جوڑا نے ملاقات کی۔
اس موقع پر ایم پی اے سید عباس علی شاہ بھی موجود تھے۔
ملاقات میں اراکین اسمبلی نے وزیراعظم عمران خان اور وزیراعلیٰ عثمان بزدار کی قیادت پر اعتماد کا اظہار کیا۔
Advertisement
عثمان بزدار نے کہا کہ اپوزیشن ملک میں سیاسی انتشار پھیلا رہی ہے، سیاسی عدم استحکام پیدا کرکے مضبوط ہوتی معیشت کو نقصان پہنچایا جا رہا ہے۔
انہوں نے کہا کہ ہم سب وزیراعظم عمران خان کے سپاہی ہیں، اپوزیشن کے ہر ہتھکنڈے کا ڈٹ کر مقابلہ کریں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
