ایک ہیکر نے مشہور این ایف ٹی گیم کے بلاک چین نیٹ ورک سے ایک دو نہیں بلکہ 625 ملین ڈالر کی رقم اڑائی ہے ۔ 62 کروڑ 50 لاکھ ڈالر کی یہ رقم پاکستانی روپوں میں 113968750000 بنتی ہے اور اسے تاریخ کی ڈی سینٹری لائزڈ ہیکنگ اور رقم کی چوری کی سب سے بڑی واردات کہا جارہا ہے۔

مشہور کرپٹو گیم “ایکسی انفنٹی” کی پشت پر موجود بلاک چین رونن میں یہ رقم کرپٹو کرنسی کی صورت میں رکھی تھی جسے اب ہیکر نے چوری کرلیا ہے۔

رونن اور ایکسی انفنٹی کی آپریٹر کمپنی اسکائے مے وس نے اپنے بیان میں کہا ہے کہ یہ واقعہ منگل کے روز پیش آیا ہے جس کے بعد رونن برج کو منجمند کردیا گیا ہے تاکہ کوئی دیگر کرپٹو کرنسیاں بھی محفوظ رہ سکیں۔

کمپنی نے بتایا کہ کل 173,600 اتھریئم کرنسی چرائی گئی ہے جس کی مالیت 60 کروڑ ڈالر بنتی ہے اور اس کے بعد قانون نافذ کرنے والے اداروں سے کرنسی کی بازیابی اور سزا دینے کی درخواست کی ہے۔ اس کے علاوہ 25 ملین ڈالر کرپٹو کرنسی کے امریکی ڈالر بھی لوٹے گئے ہیں۔

ہیکر نے بہت چالاکی سے اس برج کو نشانہ بنایا ہے جس سے اسکائے میوس رونن بلاک چین اور دیگر کرپٹو کرنسی کا تبادلہ ہوتا ہے جن میں ایتھریئم قابلِ ذکر ہے۔ اسی جگہ پر صارف کرپٹو کرنسی اور امریکی ڈالر جمع کراتے ہیں تاکہ وہ این ایف ٹی یا گیم خرید سکیں یا پھر ان گیم کرنسی کی خریدوفروخت بھی کرسکتے ہیں۔ اسی جگہ سے لوگ اپنی رقم لے جاسکتے ہیں۔

کمپنی کے مطابق ہیکر نے پرائیوٹ سیکیوریٹی کی اور پاس ورڈ استعمال کئے ہیں اور وہ اس پورے نظام سے واقف تھا یا اس نے بہت تحقیق کے بعد ڈجیٹل ڈکیتی کی ہے۔ لیکن یہ سسٹم کی ناکامی ہے کہ اس کا انکشاف ایک ہفتے بعد علم میں آیا ہے