سابق وزیراعظم شاہد خاقان عباسی نے کہا ہے کہ وزیر اعظم نے سرپرائز اپوزیشن کو نہیں عثمان بزدار کو دیا ہے۔

 سابق وزیراعظم شاہد خاقان عباسی نے میڈیا سے گفتگو کرتے ہوئے کہا ہے کہ عمران خان نے چند ووٹوں کے لئے اپنے بہترین وزیراعلیٰ کو بھی قربان کردیا ہے۔

 ان کا کہنا تھا کہ وزیراعظم عمران خان کسی سے بلیک میل نہیں ہوتے لیکن یوٹرن ضرور لیتے ہیں۔

 انہوں نے کہا کہ پی ڈی ایم کی کامیابی ہے کہ ریاستی نظام میں تھرڈ پارٹی کی مداخلت کا خاتمہ ہوگیا اور اب عمران خان کے پاس چند دن ہی باقی رہ گئے ہیں جس کے بعد ان کا بھی احتساب ہوگا۔

انہوں نے مزید کہا کہ ق لیگ نے اپنا فیصلہ سنا دیا ہے اور اب دیکھنا یہ ہے کہ وہ کیسے عمران خان کا بوجھ اٹھا کر عوام کا سامنا کرتے ہیں۔

شاہد خاقان عباسی نے کہا کہ تاریخ میں پہلا موقع ہے کہ ہمارے ملک کے وزیراعظم کو دوسرے ممالک خط لکھ کر دھمکیاں رے رہے ہیں لیکن ہمارے وزیراعظم بتانے کے قابل نہیں کس نے انہیں دھمکی دی ہے۔

انہوں نے واضح کیا ہے کہ پی ڈی ایم اور ن لیگ کو کسی نے کوئی آفر نہیں کی ہے اور نہ ہی کسی کے آنے جانے سے ہمیں کوئی فرق پڑتا ہے۔

ان کا کہنا تھا کہ یکم سے 4 تک ووٹنگ ہو گی جس کے بعد موجودہ حکومت سے نجات ملے گی اور ملک کے اگلے وزیراعظم  شہباز شریف ہونگے۔