عدالت نے سینیئر صحافی محسن جمیل بیگ کے جوڈیشل ریمانڈ میں 21 مارچ تک توسیع کر دی۔ 

تفسیلات کے مطابق اسلام آباد کی انسدادِ دہشت گردی کی عدالت کیس کی سماعت جج محمد علی وڑائچ نے کی۔

شہر بھر میں مخلتف تنظیموں کی جانب سے ریلیوں اور پیپلز پارٹی کے لانگ مارچ کی وجہ سے ملزمان کو عدالت میں پیش نہیں کیا گیا۔

عدالت نے محسن بیگ کے جوڈیشل ریمانڈ میں اکیس مارچ تک توسیع کردی۔

واضح رہے کہ گذشتہ دنوں اسلام آباد کی انسدادِ دہشت گردی کی عدالت نے وکلا کے دلائل کے بعد محسن بیگ کے ملازمین کی ضمانتوں کی درخواست پر فیصلہ محفوظ کیا تھا۔

سینئر صحافی محسن جمیل بیگ کے ملازمین اشفاق اور ذوالفقار کی درخواست ضمانت پر سماعت  دوران وکلا نے محسن جمیل بیگ کی درخواست ضمانت واپس لی تھی۔

سندھ ہائی کورٹ میں سماعت کی خبر بھی پڑھیں

گذشتہ دنوں سندھ ہائی کورٹ میں صحافی محسن بیگ کی کراچی میں درج مقدمے میں ضمانت منظورکرتے ہوئے عدالت نے آئندہ سماعت میں اٹارنی جنرل آف پاکستان کو ذاتی حیثیت سے طلب کرتے ہوئے کہا کہ ابھی ہم مقدمہ ختم نہیں کر رہے، بدنیتی ثابت ہوئی تو ذمہ داروں کے خلاف سخت کارروائی کا حکم بھی دیں گے۔

سماعت کے دوران سوالات کے تسلی بخش جواب نہ دینے پر عدالت نے ایف آئی اے اور اسسٹنٹ اٹارنی جنرل پر شدید برہمی کا اظہار بھی کیا تھا

مذید پڑھیں