دنیا کے ساحل آلودگی کا گڑھ بنتے جارہیں ہیں جہاں آنے والے ہر طرح کا کچرا پھینک دیتے اور پھر یہی کچرا سمندر میں جاکر آبی حیات کے لئے نقصان کا باعث بنتا ہے اسی لئے ساحل کی صفائی بے حد ضروری ہے اسی بات کو مد نظر رکھتے ہوئے ایک ایسا روبوٹ تیار کیا گیا ہے جو بڑی ذہانت سے ساحل کا کچرا ٹھا کر اسے صاف کرتا ہے۔

جی ہاں فلوریڈا کے ساحل پر پہلا روبوٹ چھوڑا گیا ہے جو کہ نہ صرف کچرے کی شناخت کرتا ہے بلکہ بطور خاص کچرے کے باریک مقداریعنی سگریٹ کے ٹکڑے، بوتلوں کے کیپ، پلاسٹک کے دھکن اور دوسری چھوٹی آلودگیاں جیسے ٹافیوں کے ریپر بھی اٹھانے کا کم کرتا ہے عموماً ساحلوں کی ریت میں  یہ کچرا چھپ جاتا ہے سامنے نہیں آتا لیکن فلوریڈا کی غیر سرکاری اور غیر منافع بخش تنظیم نے یہ ربورٹ بنایا ہے جو چھوٹی چھوٹٰی ایسی اشیا بھی اٹھانے کا کام کرے گا جو عموماً نظر انداز کر دی جاتی ہیں یہ نہ صرف فلوریڈا شہر میں بلکہ فلوریڈا ریاست کے تمام شہرکے اہم ساحلوں کی ریتیلی زمین پر کام کرے گا۔

اس تنظیم کا نام کیپ فلوریڈا بیوٹی فل ہے اور اس ربورٹ کو بی بوٹ کا نام دیا گیا ہے بی بوٹ نامی اس ربورٹ کی تیاری کے سارے اخراجات سرفنگ ایولیوشن اینڈ پریزرویشن فاؤنڈیشن نے اٹھائے ہیں۔

سوانا کریسٹی جو کہ کیپ فلوریڈا بیوٹی فل کی ڈائریکٹر اورسربراہ ہیں ان کا کہنا ہے کہ یہ ربورٹ نرم اور خشک ریت کی اوپری سطح کو آہستہ آہستہ چھانتا ہے اور دیکھتا ہے اور چھوٹا کچرا جس میں بطور خاص سگریٹ کے ٹکڑے اور بڈز ہوتے ہیں ان کوبھی یہ صاف کرتا ہے تاہم ایک سوال کے جواب پرسوانا کریسٹی نے یہ کہا کہ یہ ابھی اتنا حساس نہیں ہوا ہے کہ پلاسٹک کے نہایت باریک ٹکڑے یعنی مائیکروپلاسٹک کواٹھا سکے ان مائیکرو پلاسٹک کو 5 ملی میٹر یا اس سے چھوٹے ٹکڑوں میں شمار کرتے ہیں۔

لیکن یہ حیرت انگیزربورٹ ایک مربہ سینٹ میٹریعنی پاکستانی 5 روپے کے چھوٹے سکے بھی چھوٹا کچرا اور پلاسٹک اٹھانے کی صلاحیت رکھتا ہے۔

تاہم اگرریت کے اندر پلاسٹک کی اسٹرو، کھانے کے ریپرزیا پھلوں کے چھلکے چھپے ہوتو یہ اپنی آرٹیفشل انٹیلی جنس کو استعمال کرتے ہوئے اس کی شناخت کرتا ہے اور اس کو اٹھا لیتا ہے۔