جب سے روس نے یوکرین کے خلاف جنگ چھیڑی ہے، دنیا بھر سے اس پر ساڑھے پانچ ہزار سے زائد پابندیاں عائد کردی گئی ہیں۔ لیکن کون جانتا تھا کہ اس جنگ کا اثر فحش مواد والی ویب سائٹس پر بھی پڑے گا۔

حال ہی میں روس کی ایڈلٹ کنٹینٹ بنانے والی ماڈلز کے ساتھ ایک چونکا دینے والا واقعہ پیش آیا ہے، فحش مواد کی ویب سائٹ  Onlyfans نے روسی ایڈلٹ ماڈل زپر بھی مبینہ طور پر پابندی لگا دی۔

ڈیلی اسٹار کی رپورٹ کے مطابق اونلی فینس کے خلاف احتجاج کرنے والی متعدد روسی ماڈلز نے حال ہی میں دعویٰ کیا کہ انہیں ایڈلٹ سبسکرپشن بیسڈ ویب سائٹ Onlyfans نے بلاک کر دیا ہے۔

نہ تو وہ اپنے اکاؤنٹ پر ایڈلٹ کنٹینٹ ڈال پا رہی ہیں اور نہ ہی ویب سائٹ کے اکاونٹ میں موجود رقم اپنے اکاؤنٹ میں ٹرانسفر کر پا رہی ہیں۔

ماڈلز کا کہنا ہے کہ جنگ کے دوران ان کے اکاؤنٹس فریز کر دیے گئے ہیں۔

روس میں بہت سے ایڈلٹ کنٹینٹ بنانے والوں نے اس معاملے پر تشویش اور ناراضگی کا اظہار کیا ہے۔

ناقدین کا کہنا ہے کہ ایڈلٹ اسٹارز نے یوکرین کے لوگوں سے محبت کا اظہار کیا ہے پھر بھی ان کے ساتھ ایسا کیا گیا۔

ایڈلٹ پرفارمرز آرٹسٹ گلڈ کی صدر ایلینا ایونز نے کہا کہ انہیں روس سے کئی ایڈلٹ پرفارمرز نے شکایت کی ہے کہ وہ اپنے اکاؤنٹس تک رسائی حاصل کرنے سے قاصر ہیں۔

رولنگ اسٹون ویب سائٹ کے سینئر رائٹر نے اس بارے میں ایک خبر بنائی اور اسے اپنے آفیشل ٹوئٹر اکاؤنٹ پر بھی شیئر کیا۔

انہوں نے بتایا کہ ماڈلز کو یہ پیغامات مل رہے ہیں کہ ان کے ملک میں ابھی بے آؤٹ کی سروس نہیں چل رہی ہے۔

ڈیلی اسٹار کے مطابق آج اونلی فینز کی جانب سے ایک بیان سامنے آیا ہے کہ تخلیق کاروں کے اکاؤنٹ سے متعلق کئی سرگرمیاں بحال کر دی گئی ہیں جو کسی وجہ سے بند کر دی گئی تھیں۔

انہوں نے بتایا کہ اب اکاؤنٹ ٹھیک سے چلے گا۔ لیکن اس کے باوجود، بہت سے کریئیٹرز کا دعویٰ ہے کہ ان کے اکاؤنٹ میں ابھی تک سب کچھ ٹھیک نہیں ہے۔

ایک نے بتایا کہ اسے Onlyfans سے چند دنوں میں 6 لاکھ روپے سے زیادہ کا نقصان ہوا ہے۔ جبکہ ایک روسی کنٹینٹ کریئیٹر کا کہنا تھا کہ وہ خود بھی حکومت کے اس اقدام سے ناراض ہیں اور اس پر تنقید کر رہی ہیں، لیکن اب جب ان کے ساتھ اونلی فینز نے ایسا کیا ہے تو ان کی مشکلات میں اضافہ ہو گیا ہے۔