ارباب غلام رحیم نے کہا ہے کہ کورونا کے باوجود ہماری معیشت حکومتی پالیسیوں کی وجہ سے بچ گئی۔

وزیر اعظم کے معاون خصوصی ارباب غلام رحیم نے جلسہ عام سے خطاب کرتے ہوئے کہا ہے کہ کورونا کو عمران خان نے اچھا مینج کیا تھا اور ہر اکاؤنٹ میں پیسے بھیجے، ان کی طرح تصویروں کے لئے اپنوں کو سامان نہیں دیا۔

انہوں نے کہا کہ کورونا کے باوجود ہماری معیشت حکومتی پالیسیوں کی وجہ سے بچ گئی، مزدور سخت جان ہیں، ان کو کورونا نہیں لگتا تم فارمی مرغوں کو لگتا ہے۔

ارباب غلام رحیم نے کہا کہ سردار شاہ ہمارے توتلے بھتیجے کو چلنے ہی نہیں دیتا وہ عمرکوٹ سے الیکشن لڑ کر غائب ہوگیا ہے۔

دوسری جانب اپوزیشن لیڈر سندھ اسمبلی حلیم عادل شیخ نے عمرکوٹ میں جلسہ عام سے خطاب کرتے ہوئے کہا کہ تھر کے لوگ پیار کرنے والے ہیں، کنری میں جھوٹے کیسسز کیے اور اب وفاداریاں تبدیل کروائی جارہی ہیں۔

انہوں نے کہا کہ کرپٹ چور تیمور تالپور ظالم ایم پی اے کو آئندہ انتخاب میں فارغ کردیں گے، پیغام دیا جاتا ہے پیپلزپارٹی کو کچھ ہوا تو سندھ غلط ہاتھ میں چلا جائے گا، ایسے غلط پیغام پر کہتا ہوں سندھی اب سوچ رہے ہیں اور فیصلہ کرلیا ہے کہ زرداری مافیا سے چھوٹکارہ حاصل کریں گے۔

حلیم عادل شیخ نے کہا کہ یہ پاکستان زندہ باد کا نعرہ لگانے والے لوگ ہیں، 14 برس میں ہزاروں ارب کا بجٹ ملنے پر بھی سب کچھ تباہ حال ہے، ان کے وزیر ممبران اسمبلی سندھ کے عوام کا سارا بجٹ کھا گئے ہیں۔

اپوزیشن لیڈر سندھ اسمبلی نے کہا کہ بلاول صاحب پنجاب گئے ہو تو وہاں کے راستوں کا جائزہ لے لو پھر وہاں سے سیکھ کر یہاں عوام کے لئے کچھ کام کرلو۔