پاکستان کا سب سے مقبول چینل ’بول انٹرٹینمنٹ‘ شب برات کی بابرکت رات میں اپنے ناظرین کے لیے خصوصی ٹرانسمیشن کا انعقاد کررہا ہے جس میں ملک کے نامور نعت خواں شرکت کریں گے۔

ملک بھر میں شب برأت عقیدت واحترام سے منائی جاتی ہے ، رحمتوں اور برکتوں والی اس رات میں مساجد اور گھروں پر نفلی عبادات اور شب بیداری کا خصوصی اہتمام کیا جاتا ہے۔

شب برات کی مناسبت سے پاکستان کے نمبر ون نیوز چینل ’’بول انٹرٹینمنٹ‘‘ پر بھی خصوصی ٹرانسمیشن منعقد کی جاتی ہے اور اس بار ’’شب برات میں بول‘‘ کی اسپیشل ٹرانسمیشن کی میزبانی فیصل قریشی کررہے ہیں۔

اس بابرکت رات میں بول انٹرٹینمنٹ سے نشر ہونے والی خصوصی ٹرانسمیشن میں محفل نعت کی تقریب بھی سجائی جائے گی جس میں ملک کے نامور نعت خواں شرکت کرکے اپنی آواز کا جادو جگائیں گے اور محفل کو چار چاند لگادیں گے۔

یہ بھی پڑھیں: شعبان المعظم کا چاند نظر نہیں آیا، یکم شوال 5 مارچ کو ہو گی

اس حوالے سے بول نیٹ ورک کے آفیشل یوٹیوب چینل پر ایک پرومو بھی جاری کیا گیا جس میں میزبان فیصل قریشی کہتے ہیں ’’شب برات کو پانا قسمت والوں کو نصیب ہوتا ہے‘‘، اعمال کی کتاب میں نیکیاں لکھنے والے رات ، طلب گاروں کی فریاد قبول ہوگی اور توبہ قبول ہوگی، بس سجدوں میں دل سے پکارو، کیوں کہ یہ سماعت کی رات ہے۔

واضح رہے کہ شب برات اسلام کے آٹھویں مہینے شعبان کی 15ویں رات کو کہتے ہیں۔  مسلمان اس رات میں نوافل ادا کرکے رب کے حضور سجدہ ریز ہوتے ہیں اور اپنی مغفرت کی دعا مانگتیں ہیں۔  اس رات کو مغفرت کی رات اوررحمت کی رات بھی کہا جاتا ہے۔