حافظ حمداللہ نے کہا ہے کہ عمران نیازی کا وزیراعظم رہنے کا کوئی جواز نہیں۔

ترجمان پی ڈی ایم حافظ حمداللہ نے کہا ہے کہ تحریک عدم اعتماد پرووٹنگ سے پہلے عدم اعتماد کامیاب ہوچکی ہے، عمران نیازی کا وزیراعظم رہنے کا کوئی جواز نہیں۔

انہوں نے کہا کہ ان پراپنے پارٹی کے دو درجن سے زیادہ اراکین اسمبلی عدم اعتماد کا اظہارکرچکے ہیں، عمران نیازی کے پاس ممبرزکی کمی کے ساتھ شرم اورحیاءکی بھی کمی ہے۔

حافظ حمداللہ نے کہا ہے کہ سندھ ہاؤس پر حملے میں ٹائیگر فورس کے غنڈوں کے ساتھ دوایم این اے بھی شریک جرم رہے، پی ٹی آئی کےدوایم این اے کی ہدایات پریہ دہشت گردی ہوتی رہی۔

ترجمان پی ڈی ایم نے کہا کہ چیف جسٹس کاسندھ ہاؤس پرحملے کا نوٹس لینا مثبت اقدام ہے، حملے میں ملوث دوایم این اے سمیت فواد چوہدری اورشیخ رشید کوبھی عدالت سے طلب کرنے کی درخواست ہے۔

انہوں نے کہا کہ فوادچوہدری چند دنوں سے اشتعال انگیزاوردھمکی آمیزبیانات دیتے رہے، فوادچوہدری نے سندھ ہاؤس پرحملہ کرنے والوں کو بچہ کہا، جوکہ حملے کوجواز فراہم کرنے کی مذموم کوشش ہے۔

حافظ حمداللہ نے کہا ہے کہ شیخ رشید نے ایک ناکام وزیرداخلہ کی حیثیت سے کیا ذمہ داری ادا کی ہے، حملے میں ملوث افراد سمیت دو ایم این اے کوعبرتناک سزاملنی چاہیے۔

ترجمان پی ڈی ایم نے کہا کہ فواد چوہدری نے اپنے بیانات سے اشتعال انگیزی اورغنڈہ گردی میں سہولت کار کا کردارادا کیا ہے۔