موبائل فون بنانے والی کمپنیوں میں نوکیا نیا نام نہیں۔ یہ کمپنی موبائل فون کی پائیداری میں اپنا ثانی نہیں رکھتی۔ پہلے یہ کمپنی صرف موبائل فون بنایا کرتی تھی لیکن اب یہ جدید ترین فیچر سے لیس اسمارٹ فون بھی تیارکر رہی ہیں جوعوام الناس میں کافی مقبولیت حاصل کر رہے ہیں۔

اسی روایت کو برقرار رکھتے ہوئے نوکیا نے سی سیریز کے 3 نئے کم قیمت اسمارٹ فونزمتعارف کرائے ہیں جن میں زیادہ توجہ ان کی پائیدارہونے پرمرکوز کی گئی ہے۔

نوکیا کی جانب سے سی 21، سی 21 پلس اور2 کو بار سلونا میں موبائل ورلڈ کانگریس کے دوران متعارف کرایا گیا ہے۔

سی 21 پلس

سی سیریز کے ان تینوں فونز میں سی 21 پلس سب سے طاقتوراور جدید فیچر سے لیس فون ہے جس میں 6.5 انچ کا ڈسپلے دیا گیا ہے۔

فون کے اندر دیرپا 5050 ایم اے ایچ بیٹری دی گئی ہے جس بارے نوکیا کا کہنا ہے یہ حیرت انگیز بیٹری صرف سنگل چارج پر مکس استعمال کے لئے 3 دن تک کام کرسکتی ہے۔

البتہ اس کا ایک 4000 ایم اے ایچ بیٹری والا ورژن بھی ہے اور دونوں کے ساتھ 10 واٹ چارجردستیاب ہوگا۔

نوکیا کا یہ شادندار فون پانی اور ڈسٹ سے مزاحمت رکھتا ہے جبکہ تھوڑی بلندی سے گرنے پربھی محفوظ رہتا ہے یعنی اس کا مٹیریل یہ دھچکہ برداشت کرسکتا ہے۔

اس فون میں اینڈرائیڈ 11 گو ایدیشن آپریٹنگ سسٹم دیا گیا ہے جبکہ دوبرس تک سہ ماہی سیکیورٹی اپ ڈیٹس بھی فراہم کی جائیں گی۔

جہاں تک بات پراسیسر کی ہے تو اس فون کے اندر یونی ایس او سی کا ایس سی 9863 اے پراسیسردیا گیا ہے اورساتھ ہی 2، 3 اور4 جی بی ریم جبکہ 32 سے  64 جی بی اسٹوریج موجود ہے جس میں ایس ڈی کارڈ سے مزید اضافہ بھی کیا جاسکتا ہے۔

نوکیا کے اس شاندار فون کے فرنٹ پر 5 میگا پکسل سیلفی کیمرا دیا گیا ہے جسے فیس ان لاک کے لئے بھی استعمال کیا جاسکتا ہے۔ جبکہ بیک پرمین کیمرا 13 میگا پکسل اور2 میگا پکسل ڈیپتھ کیمرے دستیاب ہیں۔

نوکیا کا یہ بہترین فیچر سے لیس فون اپریل میں فروخت کے لئے دستیاب ہوگا اور اس کی قیمت 24 ہزارپاکستانی روپے سے زائد رکھی گئی ہے۔

سی 21

نوکیا کا یہ فون پلس ماڈل کا کم قیمت ورژن تصور کیاجاسکتا ہے جس میں 6.5 انچ کا ڈسپلے موجود ہے لیکن یہ پانی اور ڈسٹ سے مزاحمت نہیں رکھتا ہے اور نہ ہی کمپنی نے اس بارے میں کچھ بتایا۔

البتہ اس میں پراسیسر پلس ماڈل والا ہی دیا گیا ہے جبکہ 2 سے 3 جی بی ریم اور32 سے 64 جی بی اسٹوریج موجود ہے۔

لیکن اسٹوریج ایس ڈی کارڈ سے مزید بڑھائی جاسکتی ہے۔

جہاں تک بات بیٹری کی ہے تو اس میں بہت واضح فرق موجود ہے اس میں  صرف 3000 ایم اے ایچ بیٹری دی گئی ہے اور کمپنی کا اس ضمن میں کہا ہے کہ سنگل چارج پر یہ بیٹری ایک دن چل سکتی ہے۔

فون کا فرنٹ کیمرا 5 میگا پکسل کا جبکہ بیک پر 8 میگا پکسل کیمرا دیا گیا ہے۔

یہ فون مارچ کے رواں ماہ کے اختتام پر فروخت کے لئے دستیاب ہوگا اور اس کی قیمت 19 ہزار پاکستانی روپے سے زائد رکھی گئی ہے۔

نوکیا سی 2 سیکنڈ ایڈ

نوکیا کے اس فون کو سی 2 کا اپ ڈیٹ ماڈل کہا جائے تو بے جانہ ہوگا تاہم یہ فیچر کے لحاظ سے پہلے ماڈل سے کم فیچر رکھتا ہے۔

البتہ اس میں سب سے خاص بات اس کا میٹل فریم ہے جو اس کو پلاسٹک کور والے سی 2 کی نسبت زیادہ پائیدار تصور کیا جاتا ہے۔

اس فون کا ڈسپلے 5.7 انچ کا ہے جبکہ فرنٹ پر صرف دو میگا پکسل سیلفی کیمرا اور بیک پر5 میگا پکسل کیمرا دیا گیا ہے۔

بیٹری کی بات کی جائے تو اس میں 2400 ایم اے ایچ بیٹری دی گئی ہے اور اچھی بات یہ ہے کہ یہ ریموو ایبل بیٹری ہے۔

نوکیا کے سی 2 سیکنڈ ایڈیشن میں کواڈ کور پراسیسردیا گیا ہے لیکن اس بارے میں واضح تفصیلات نہیں بتائی گئی۔

اینڈرائیڈ 11 گوایڈیشن آپریٹنگ سسٹم والے فون میں 4 جی بی سپورٹ دستیاب ہے جبکہ ایک سے دو جی بی ریم اور 32 جی بی اسٹوریج بھی موجود ہے۔

یہ فون مئی میں فروخت کے لئے پیش کیا جائے گا اس کی قیمت 17 ہزار پاکستانی روپے سے زائد رکھی گئی ہے۔