پنڈی اسٹیڈیم کی وکٹ کرکٹ کے ساتھ نا انصافی ہے، عاقب جاوید

ویب ڈیسک

08th Mar, 2022. 04:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنڈی اسٹیڈیم کی وکٹ کرکٹ کے ساتھ نا انصافی ہے، عاقب جاوید

سابق ٹیسٹ فاسٹ بالر عاقب جاوید نے پنڈی اسٹیڈیم کی وکٹ کو کرکٹ کے ساتھ نا انصافی قرار دے دیا ۔

تفصیلات کے مطابق عاقب جاوید نے پنڈی اسٹیڈیم کی وکٹ پر برہمی کا اظہار کرتے ہوئے کہا کہ ایسی وکٹ بنانی چاہیے تھی جس پر میچ کا نتیجہ نکلتا۔

انہوں نے کہا کہ بے جان وکٹ کی وجہ سے شائقین کرکٹ کو اچھی کرکٹ دیکھنے کو نہیں ملی۔ پاکستان کو آسٹریلیا کے خلاف اسپین وکٹ بنانی چاہیے تھیں،اسپین وکٹ بنا کر بھی ٹیسٹ میچ کا نتیجہ نکل سکتا تھا۔

عاقب جاوید نے کپتانی پر تنقید کرتے ہوئے کہا کہ کپتان کو جارحانہ سوچ کے ساتھ کرکٹ کھیلنے کو ترجیح دینی چاہیے۔

ان کا مزید کہنا تھا کہ آسٹریلیا کے آنے سے ثابت ہو گیا کہ پاکستان ایک محفوظ ملک ہے۔

عاقب جاوید نے اسٹیڈیمز کی حالت زار سے متعلق کہا کہ ہمیں اپنے اسٹیڈیمز کو بہتر بنانے کی ضرورت ہے۔ پی ایس ایل کے دوران اسٹیڈیمز میں شائقین کی گنجائش کم دکھائی دی۔

انہوں نے کہا اب وقت آگیا ہے کہ لاہور، کراچی اور پنڈی میں 70 سے 80 ہزار گنجائش والے اسٹیڈیمز بنائے جائیں۔