امریکی ٹیکنالوجی جائنٹ ایپل نے آج ہونے والے ایونٹ میں اپنا اب تک کا سب سے سستا آئی فون متعارف کرادیا ہے۔

ایپل کے اس فون نے فائیو جی اینڈروئیڈ فون بنانے والی کمپنیوں کے لیے سخت مقابلے کی فضا قائم کردی ہے۔

امریکی ریاست کیلی فورنیا کے ایپل پارک کیمپس میں اسٹیو جابز تھیٹرمیں منعقد ہونے والی تقریب میں آئی فون ایس ای  کے نام سے پیش کیے گئے اس فائیو جی فون کی قیمت 429 ڈالر( 76 ہزار پاکستانی) رکھی گئی ہے، جوکہ موجود ایس ای ماڈل سےصرف 30 ڈالر زائد ہے۔

ایپل کی جانب سے اس نئے ماڈل میں پلاسٹک کی جگہ ری سائیکل میٹریل استعمال کیا ہے۔  دنیا بھر میں موجود ایپل کے صارفین کو اس ایونٹ کا بے تابی سے انتظارتھا۔

اس تھرڈ جنریشن آئی فون ایس ای ماڈل کا ڈیزائن آئی فون 8 جیسا ہے جب کہ اس میں A-15 بایونک فائیو جی چپ سیٹ دیا گیا ہے۔ بلکل یہی چپ سیٹ ایپل نے آئی فون 13 اور آئی فون 13 پرو میں بھی استعمال کیا ہے۔

 یہ چپ سیٹ آئی فون 13 سیریز میں کم بیٹری استعمال کرتے ہوئے گیمنگ میں بہترین کارگردگی کا مظاہرہ کرچکا ہے۔

 فون میں فرنٹ اور عقبی حصے پر مضبوط گلاس کے ساتھ 4.7 انچ اسکرین دی گئی ہے۔

 یہ بھی پڑھیں: آئی فون 14 پرو کے حوالے سے اہم خبر سامنے آگئی

آئی فون ایس ای کو ٹچ آئی ڈی کے ساتھ ہوم بٹن، بہترین بیٹری لائف کے ساتھ فائیو جی ٹیکنالوجی سے لیس کیا گیا ہے۔

12 میگا پکسلز کیمرے کے ساتھ تمام ترجزئیات کے ساتھ عکس بندی کے لیے اسمارٹ ایچ ڈی اور ڈیپ فیوژن آپٹیمائزیشن بھی دی گئی ہے۔

مڈنائٹ بلیو، اسٹار لائٹ وائٹ اور پراڈکٹ ریڈ رنگ اسے خوبصورتی کے ساتھ ساتھ بہترین کارکردگی بھی عطا کرتے ہیں۔

4 کور جی پی یو کے ساتھ یہ آئی فون 8 سے دو گنا زیادہ تیز ہے۔ کے ساتھ 4 جی بی ریم کے ساتھ 64 جی بی اسٹوریج دی گئی ہے۔