وزیراعظم آزاد جموں وکشمیر سردار عبد القیوم نیازی نے کہا ہے کہ عمران خان نے کشمیریوں کا وقار بلند کیا ہے۔

تفصیلات کے مطابق وزیراعظم آزاد جموں وکشمیر سردار عبد القیوم نیازی سے وزیر مملکت علی محمد خان کی ملاقات ہوئی ہے۔

ملاقات میں پارٹی اور سیاسی سمیت باہمی دلچسپی کے امور پر تبادلہ خیال کیا گیا ہے۔

وزیراعظم آزاد جموں وکشمیر سردار عبد القیوم نیازی نے کہا کہ میرٹ کی بحالی اور قانون کی بالادستی ہمارا مشن ہے ، وزیراعظم پاکستان عمران خان کے ویژن کے مطابق آزاد کشمیر میں تعمیر و ترقی کے دور کا آغاز کر دیا ہے۔

   سردار عبد القیوم نیازی نے کہا کہ وزیراعظم پاکستان عمران خان نے کشمیریوں کے وقار کو بلند کیا ، آج کشمیری وزیراعظم پاکستان کو اپنا محسن سمجھتے ہیں۔

 وزیراعظم آزاد کشمیر نے کہا کہ وزیراعظم پاکستان عمران خان کے ویژن کو عملی جامہ پہنا کر خطے کو ماڈل اسٹیٹ بنائیں گے،  عمران خان کے خلاف اپوزیشن کا واویلا بتا رہا ہے کہ 2023 میں ایک بار پھر خان آ رہا ہے۔

انہوں نے مزید کہا کہ اپوزیشن ذاتی مفادات لیکن عمران خان ملک و قوم کے مفاد کی جنگ لڑ رہے ہیں۔

دوسری جانب وزیر مملکت علی محمد خان نے کہا کہ وزیراعظم عمران خان نے اسٹیٹس کو توڑ دیا،آپ کی قیادت میں آزاد کشمیر میں حقیقی تبدیلی کا آغاز ہو گیا ہے۔

 علی محمد خان نے کہا کہ پاکستان میں وزیراعظم عمران خان کے مقابلے کا کوئی لیڈر نہیں ، اپوزیشن بوکھلا چکی ہے اور اپوزیشن کا ہر حربہ ناکام ہو گا۔