شمالی کوریا اس سال کے آغاز کے بعد سے اب تک میزائل کے نو تجربات کرچکا ہے۔ میزائل تجربات پر اقوام متحدہ کے رکن ممالک نے شدید تنقید کی ہے۔

تفصیلات کے مطابق شمالی کوریا سال کے آگاز سے اب تک 9 میزائل تجربات کرچکا ہے۔اقوام متحدہ کی سلامتی کونسل میں گیارہ ملکوں نے پیانگ یانگ کے اس اقدام کی گزشتہ روز شدید مذمت کی گئی۔

اس موقع پر اقوام متحدہ نے مشترکہ مذمتی بیان شمالی کوریا کی جانب سے ایک اور بیلسٹک میزائل کا تجربہ کیے جانے کے دو روز بعد جاری کیا گیا۔ شمالی کوریا کی جانب سے میزائل کے اس تازہ ترین تجربے کے بعد سلامتی کونسل کی میٹنگ کے بعد اقوام متحدہ میں امریکی سفیر لنڈا تھامس گرین فیلڈ نے ایک مشترکہ بیان جاری کیا۔

اپنے جاری کردہ بیان میں ان کا کہنا تھا کہ شمالی کوریا نے 5 مارچ کو ہتھیاروں کے تجربات کے ذریعہ سلامتی کونسل کی متعدد قراردادوں کی خلاف ورزی کی ہے۔ امریکہ کی طرف سے جاری اس بیان پر دستخط کرنے والوں میں البانیہ، آسٹریلیا، برازیل، فرانس، آئرلینڈ، جاپان، نیوزی لینڈ، ناروے، جنوبی کوریا اور برطانیہ شامل ہیں۔

یاد رہے، مذکورہ گیارہ ملکوں نے شمالی کوریا کو مناسب جواب دینے میں اقوام متحدہ کی سلامتی کونسل کی ناکامی پر بھی افسوس کا اظہار کرتے ہوئے کہا کہ پیانگ یانگ کے خلاف اقدامات نہ کرکے عالمی ادارے نے اپنی ساکھ کو نقصان پہنچایا ہے