نیوزی لینڈ کے سابق کپتان ڈینئیل ویٹوری نے آسٹریلیا کے وائٹ بال اسکواڈ کو لاہور میں جوائن کر لیا ہے۔
تفصیلات کے مطابق ڈینئیل ویٹوری آسٹریلیا کے نئے اسپن کنسلٹنٹ مقرر ہوئے ہیں جنہوں نے آخری بار 2003 میں نیوزی لینڈ ٹیم کے ہمراہ پاکستان کا دورہ کیا تھا۔
آسٹریلیا کرکٹ بورڈ نے تصدیق کی تھی کہ نیوزی لینڈ کے سابق کپتان ڈینیئل ویٹوری کو پاکستان کے خلاف محدود اوورز کی سیریز کے لیے آسٹریلیا کا اسپن کنسلٹنٹ نامزد کیا گیا ہے۔
ویٹوری نے 2019 اور 2021 کے درمیان بنگلہ دیش کے اسپن باؤلنگ کوچ کے طور پر خدمات انجام دیں جبکہ وہ 2017 میں بھارت کے دورے سے قبل آسٹریلیا کے سیٹ اپ کے رکن بھی تھے۔
ویٹوری کو نیوزی لینڈ کرکٹ میں کسی لیجنڈ سے کم نہیں سمجھا جاتا ہے، جس نے ٹیسٹ میں 362، ون ڈے میں 305 اور ٹی ٹوئنٹی میں 38 وکٹیں حاصل کیں۔
Advertisement
ویٹوری اس سے قبل رائل چیلنجرز بنگلور (آر سی بی ) اور بارباڈوس رائلز کی کوچنگ کر چکے ہیں۔
واضح رہے کہ آسٹریلیا پاکستان کے خلاف لاہور میں تین ون ڈے اور ایک ٹی ٹوئنٹی میچ کھیلے گا۔
ون ڈے سیریز کا آغاز 29 مارچ سے ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
