ٹی وی ٹاور کی تباہی کے باوجود یوکرینی ٹی وی کی نشریات جاری

ویب ڈیسک

06th Mar, 2022. 12:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی وی ٹاور کی تباہی کے باوجود یوکرینی ٹی وی کی نشریات جاری

یوکرین کے سرکاری نشریاتی ادارے ’’سسپیلنے‘‘ نے دارالحکومت کیف سے فرار ہو کر ملک کے مغربی حصے سے کام کرنا شروع کر دیا ہے۔

یوکرین کے سرکاری نشریاتی ادارے کے سربراہ نے میڈیا کو بتایا کہ اس کے صحافیوں نے روس کی جانب سے آواز دبانے کی کوششوں کو مسترد کر دیا ہے۔

روسی فوجوں نے دارالحکومت کے مرکزی ٹیلی ویژن ٹاور پر حملہ کیا تھا۔ اس دھماکے سے قبل ہی ادارے کی جانب سے عملے کے تحفظ کے لیے آپریشنز کی منتقلی کا فیصلہ کر لیا گیا تھا۔

یوکرین کے عوام کو یقین ہے کہ ٹاور پر روسی حملے کا مقصد ذرائع مواصلات کے نیٹ ورکس کو بند کرنا تھا۔

ادارے کے بورڈ کے سربراہ مائیکولا چرنوتیتسکیئے کا کہنا ہے کہ روس کا مقصد یوکرین کے شہریوں تک اطلاعات کی رسائی کو روکنا اور یوکرین میں خوف و ہراس بڑھانا ہے۔

بعد ازاں قومی نشریاتی ادارے سسپیلنے کا سیٹلائیٹ سگنل اور انفارمیشن سسٹم بھی سائبر حملے کا نشانہ بنا ہے۔ ادارے کو یقین ہے کہ روس اس میں ملوث تھا۔

جناب چرنوتیتسکیئے کا کہنا تھا کہ یوکرینی صحافی، عوام کو حملے کے بارے میں تازہ ترین معلومات کی فراہمی جاری رکھیں گے۔