ہماری زندگی میں کچھ ایسے سوالات ہوتے ہیں جو ہوتے بہت آسان ہیں لیکن ان کے جواب ہمارے پاس نہیں ہوتے اور آج ہم آپ کو ایسے ہی چند سوالوں کے جوابات سے آگاہ کریں۔

آنکھوں کے گرد سیاہ حلقے کیوں ظاہر ہوتے ہیں؟

ڈاکٹروں کے مطابق تھکن اور نیند کی کمی ہماری آنکھوں کے گرد خون کی گردش کو سست روی کا شکار بنا دیتی ہے جس کی وجہ سے حلقے ظاہر ہونے شروع ہوجاتے ہیں

ایک ہی سوڈا ڈرنک لیکن ذائقوں میں فرق کیوں؟

آگر آپ نے محسوس کیا ہو تو کین میں سوڈا ڈرنک کا ذائقہ پلاسٹک بوتلوں میں سوڈا ڈرنک سے مختلف ہوتا ہے جبکہ کمپنی دونوں پیکنگ میں ایک جیسا ہی ڈرنک فروخت کرتی ہے- کین میں ایلومینیم میں ایک پولیمر استر ہوتا ہے جو کچھ ذائقوں کو جذب کر سکتا ہے۔ اور دوسری جانب بوتل کی شکل کی صورت میں ذائقہ مختلف ہوتا ہے کیونکہ پلاسٹک کیمیکل – acetaldehyde ہے جو ذائقہ کو بھی بدل دیتا ہے۔

ہم شناختی کارڈ کی تصویر میں مسکراتے کیوں نہیں؟

ہم پاسپورٹ، ویزا، یا دیگر اہم دستاویزات کے لئے تصاویر بنواتے ہیں تو ہمارے چہرے کے تاثرات نارمل ہوتے ہیں یہاں تک کہ ہمیں منہ بھی لازمی بند کرنا ہوتا ہے۔

اس کی وجہ بائیو میٹرک اسکینرز ہیں جو 2005 میں شروع کیے گئے تھے، اسکینرز صرف اس صورت میں کسی شخص کے چہرے کو پہچان سکتے ہیں جب یہ نارمل حالت میں رہے۔

ٹیکسی اور اسکول بس پیلے رنگ میں ہی کیوں؟

دنیا کے زیادہ تر ممالک میں ٹیکسی اور اسکول بس پیلے رنگ کی ہی ہوتی ہے کیونکہ پیلا رنگ دوسرے رنگوں کی نسبت زیادہ جلدی لوگوں کو اپنی جانب متوجہ کرنے کی صلاحیت رکھتا ہے یہاں تک کہ آپ اس رنگ کو اندھیرے میں بھی پہچان سکتے ہیں۔

پاسپورٹ نارنجی یا جامنی رنگ میں کیوں نہیں ہوتا؟

اس کی وجہ یہ ہے کہ کوئی بھی ملک اپنے پاسپورٹ کے لئے چمکدار رنگ منتخب کرنا پسند نہیں کرتا کیونکہ یہ سرکاری معاملات کی ترجمانی نہیں کرسکتے اور سنجیدہ رنگ نہیں معلوم ہوتے۔

ٹینس بال سبز یا پیلی رنگ کی ہی کیوں ہوتی ہے؟

ٹینس بال ابتداء میں سفید اور کالے رنگ میں ہوتی تھی لیکن ان رنگوں کا مسئلہ یہ تھا کہ ٹی وی پر میچ کے دوران اس رنگ کی بال نمایاں انداز میں ناظرین پر ظاہر نہیں ہوپاتی تھی جس کے بعد کھیلوں کی کمیونٹی کی جانب سے فیصلہ کیا گیا کہ آئندہ ہمیشہ ٹینس بال پیلے رنگ کی استعمال کی جائے گی جو واضح انداز میں دیکھی جاسکتی ہے۔