حکومت میں رہیں یا نہیں؟ حکومتی اتحادی جماعتوں کا مشترکہ فیصلہ سامنے آنے کا امکان

ویب ڈیسک

26th Mar, 2022. 10:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت میں رہیں یا نہیں؟ حکومتی اتحادی جماعتوں کا مشترکہ فیصلہ سامنے آنے کا امکان

اتحادی، حکومت کے تین سال کے دوران وعدے پورے نہ ہونے پر تحفظات کا شکار ہیں جس کی بناء پر فیصلے کرنے ہیں کہ حکومت میں رہیں یا نہیں۔

اس حوالے سے پارٹی کارکنان کے درمیان اہم مشاورتیں جاری ہیں جبکہ اسپیکر پنجاب اسمبلی چوہدری پرویز الٰہی نے بھی اپوزیشن کے ملاقاتوں کو اہم قرار دیدیا ہے۔

دوسری جانب حکومت کے نمائندوں کی جانب سے بھی اتحادیوں سے رابطے کیے جارہے ہیں جبکہ آج ملاقات بھی طے پاگئی ہے ۔

اس ملاقات میں وزیر خارجہ شاہ محمود قریشی اور وزیر دفاع پرویز خٹک آج چوہدری برادران سے ملاقات کریں گے ۔

اس حوالے سے ذرائع کا کہنا ہے کہ حکومت سے معاملات طے نہ ہوئے تو اتحادی کل کے تحریک انصاف کے جلسے کے بعد اپنا اعلان کرینگے۔

ذرائع کے مطابق ق لیگ ،ایم کیو ایم اور باپ نے ساڑھے تین سال میں حکومتی وعدے پورے نہ ہونے پر شدید تحفظات کا اظہار کیا ہے جس کے بعد تینوں جماعتوں کے رہنماؤں سے آج کی حکومتی وفد کی ملاقات اہمیت اختیار کرگئی ہیں۔