دنیا میں روز ہی ایسے واقعات رونما ہوتے ہیں جنہں دیکھ کرسب ہی حیران رہ جاتے ہیں اور سب سے بڑی بات یہ ہے کہ سوشل میڈیا کی بدولت وائرل بھی ہوجاتے ہیں ایسا ہی واقعہ آج کل سوشل میڈیا پر دیکھا جارہا ہے جس میں ایک بچی نے اپنی کمسن بہن کو سوئمنگ پول میں ڈوبنے سے بچالیا۔ واضح رہے کہ یہ واقعہ تھائی لینڈ میں پیش آیا۔

غیرملکی خبررساں ادارے کی رپورٹ کے مطابق شمالی تھائی لینڈ میں تین سالہ بچی کانا نے کمسن بہن کے سوئمنگ پول میں گرنے پر والد کوبروقت اطلاع دی جس کی بدولت دوسالہ بہن کو ڈوبنے سے بچالیا گیا۔

اس ویڈیو میں دیکھا جاسکتا ہے کہ کمسن بچی سوئمنگ پول کے قریب سے گزرہی تھی کہ اچانک اس کا پیر پھسل جاتا ہے جس کے نتیجے میں وہ سوئمنگ پول میں جاگرتی ہے۔

ان دونوں بچیوں کے والد سوئمنگ پول سے قدرے دور صفائی میں مصروف دکھائی دے رہے ہیں، اور بچی کے گرنے سے لاعلم ہیں۔

لیکن بڑی بچی جو کہ سوئمنگ پول کے قریب کھڑی ہوتی ہے وہ چیختی ہوئی والد کے پاس جاتی ہے اوراسے بہن کے گرنے کے بارے میں بتاتی ہے والد بھاگتے ہوئے سوئمنگ پول میں چھلانگ لگا کر کمسن بیٹی کوبچالیتے ہیں۔

اس وقعہ کے بعد بچی کے والد کا کہنا تھا کہ وہ سوئمنگ پول کے قریب جھاڑولگانے جبکہ اہلیہ گھر میں کھانا پکانے میں مصروف تھیں، ان کا مزید یہ بھی کہناتھا کہ وہ بچوں کودیکھ رہے تھے لیکن جیسے ہی ان کی ںظرہٹی وہ پول میں گرگئی لیکن ان کی تین سالہ بیٹی نے شور مچاکر بتایا کہ بہن گر گئی ہے۔

بچی کے والد کا کہنا ہے کہ یہ بہترین مثال ہے لیکن جن گھروں میں پول موجود ہوں اور اگر بچے پول کے قریب ہوں تو ایک لمحے کے لئے ان سے نظریں نہیں ہٹانی چاہئے۔