یہ تو ہم سب ہی جانتے ہیں کہ شوبز انڈسٹری سے وابستہ لوگ دنیا بھر میں شہرت حاصل کرنے کے ساتھ ساتھ بھرپور پیسہ بھی کماتے ہیں، تاہم کچھ بالی وُڈ کے کچھ سُپر اسٹارز ایسے بھی ہیں جو بےحد سادگی پسند ہوتے ہیں۔

بالی وڈ اسٹارز فلموں میں اداکاری کے بدلےکروڑوں روپے کا معاوضہ وصول کرکے شہانہ زندگی گزارتے ہیں، جس میں مہنگے گھر، مہنگی گاڑیاں اور مہنگے کپڑے شامل ہیں لیکن کچھ اداکار کبھی کبھی اس چمچماتی زندگی سے دور ہو کر ان سب کے بجائے عام شہریوں جیسی زندگی گزارنا چاہتے ہیں۔

یہ وجہ ہے کہ وہ اپنی لمبی اور بڑی گاڑیوں کے بجائے رکشہ ٹیکسی اور بس جیسے پبلک ٹرانسپورٹ میں سفر کرنے کو ترجیح دیتے ہیں۔

وہ کون کون سے بالی وُڈ اداکار ہیں جو اکثر لوکل ٹرانسپورٹ میں سفر کرتے ہیں آیئے جانتے ہیں۔

 بالی وُڈ کے سادگی پسند اداکار

ہریتھک روشن

اس فہرست میں سب سے پہلے بات کرتے ہیں بالی وڈ کے سپر اسٹار ڈانسر بوائے کی بھارتی میڈیا کے مطابق دنیا بھر کے دلوں پر راج کرنے والے ڈانس ماسٹر ہریتھک روشن اپنے دونوں بیٹوں کو کار کے بجائے آٹو رکشے میں سفر کرنے کا تجرنہ کروانا چاہتے تھے اس لیے انہوں نے ایک بار بچوں کے ہمراہ رکشے میں سفر کرنے کا فیصلہ کیا۔

سلمان خان

سلو میاں بھی اس فہرست میں کسی سے پیچھے نہیں، جنہیں مہنگی گاڑیوں کے علاوہ لوکل ٹرانسپورٹ سے پیار ہے اور اکثر سلو میاں کو رکشے میں سفر کرتے دیکھا جاتا ہے۔

جیکولین فرنینڈس

اداکارہ جیکولین فرنینڈس نے اپنے مداحوں کو اس وقت حیران کیا جب وہ ایک بار آٹو رکشہ میں سفر کرتی ہوئی دیکھی گئیں اور خوب تصاویر بھی بنوائیں

انیل کپور

اداکار انیل کپور نے بھی وقت پر ایک اہم جگہ پر پہنچنے کیلئے مہنگی گاڑی کے بجائے ٹرین کے سفر کو فوقیت دی تاکہ جلدی پہنچ سکیں۔

دیشا پٹانی

اداکارہ دیشا پٹانی کو اپنے دوستوں کے ساتھ رات کے کھانے کے بعد رکشے میں سفر کرتے ہوئے دیکھا گیا تھا وہ اکثر رکشوں میں سفر کرتی دکھائی دیتی ہیں۔

امیتابھ بچن

بالی وڈ کے لیجنڈ اداکار امیتابھ بچن نے بھی ممبئی کی لوکل ٹرین میں سفر کیا اور سب کو حیران کر دیا جبکہ اس سفر کے دوران انہوں نے  مسافروں کے ساتھ کافی اچھا وقت گزارا۔

رنویر سنگھ

روایت سے ہٹ کر کپڑے پہننے والے بالی وڈ اداکار رنویر سنگھ نے اس وقت سب کو حیران کر دیا جب انہوں نے اپنی شاہانہ کار کے بجائے آٹو رکشہ میں سفر کیا۔

ٹائیگر شروف

اداکار ٹائیگر شروف نے بھی اپنا قیمتی وقت بچانے کیلئے ایک بار  اپنی لگژری کار کو  چھوڑ کر لوکل ٹرین کے ذریعے باندرہ سے وسائی تک  سفر کرنے کا فیصلہ کیا لیکن اس دوران مداحوں سے بچنے کیلئے انہوں نے خود کو مکمل طور پر ڈھانپ لیا تھا۔

رنبیر کپور

بالی وڈ کے  چاکلیٹی بوائے رنبیر کپور نے بھی ایک بار فلم کے پریمیئر میں شرکت کے بعد آٹو رکشہ میں سفر کیا، رنبیر اور سلمان خان تو رکشوں میں سفر کرتے وقت اپنی پہچان چھپانے سے بھی گریز کرتے ہیں۔