’پنجاب حکومت نے عوام کو ریلیف کی فراہمی کیلئے تاریخی رمضان پیکیج دیا ہے‘

ویب ڈیسک

31st Mar, 2022. 04:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’پنجاب حکومت نے عوام کو ریلیف کی فراہمی کیلئے تاریخی رمضان پیکیج دیا ہے‘

صوبائی وزیر صنعت و تجارت میاں اسلم اقبال نے کہا ہے کہ پنجاب حکومت نے ماہ مقدس میں عوام کو ریلیف کی فراہمی کیلئے 8ارب روپے کا تاریخی رمضان پیکیج دیا ہے۔

میاں اسلم اقبال نے اپنے کیمپ آفس میں لوگوں کے وفود سے گفتگو کرتے ہوئے کہا کہ پنجاب بھر میں رمضان بازار فنکشنل ہوگئے۔

انہوں نے کہا کہ رمضان بازاروں میں 10کلو آٹے کا تھیلا 450روپے میں ملے گا، حکومت عوام کو سستے آٹے کی فراہمی پر 4ارب روپے کی سبسڈی دے رہی ہے۔

اسلم اقبال نے کہا کہ رمضان بازاروں میں چینی مارکیٹ سے 10روپے فی کلو کم نرخ پر دستیاب ہوگی جبکہ مرغی کا گوشت فی کلو 10روپے کم اور انڈے فی درجن 5روپے کم نرخ پر ملیں گے۔

یہ بھی پڑھیں؛ رمضان المبارک سے قبل اشیائے خوردونوش کی قیمتوں میں ہوشربا اضافہ

صوبائی وزیر کا کہنا ہے کہ رمضان بازاروں میں چینی 10 روپے فی کلو کم نرخ پر ملے گی جبکہ زرعی فیئرپرائس شاپس بھی قائم کی گئی ہیں، ان زرعی فیئرپرائس شاپس پر معیاری سبزیاں اور پھل بازار سے سستے ملیں گے۔

انہوں نے مزید کہا کہ ماہ مقدس کے دوران رمضان بازار صبح 9بجے سے افطار تک کھلے رہیں گے، رمضان بازاروں میں صارفین کی سہولت کیلئے بہترین انتظامات کئے گئے ہیں۔