پرانی خوشگوار یادوں کو دوہرانے سے کسی دوا کے بنا تکلیف کو کم کیا جاسکتا ہے، چینی ماہرین کا دعویٰ۔

چینی ماہرین کا کہنا ہے کہ مثبت اور خوشگوار یادوں (ناسٹجلیا) سے درد کی شدت میں کمی لائی جا سکتی ہے، چینی ماہرین سے اس کی وجہ بتاتے ہوا کہا کہ اچھی اور دلچسپ یادوں سے دماغ کے اندر درد کی سرگرمی کم ہوتی ہے کیونکہ اس سے دماغ پر مثبت اثر پڑتا ہے اور اس کا نظام متحرک ہونے لگتا ہے۔

جرنل آف نیورو سائنس میں شائع ہونے والی اس تحقیق میں چینی ماہرین نے  دماغی سرگرمیوں کی اسکیننگ سے اس بات کا انکشاف کیا ہے۔

اس تحقیق میں چینی اکیڈمی برائے سائنس کے ماہرین نے کئی بالغ افراد کے دماغ کے فنکشنل ایف ایم آر آئی کیے اس تحقیق میں شامل ان افراد کو مثبت اور خوشگوار یادوں سے وابستہ تصاویر دکھائی گئیں اور اس دوران ماہرین نے دماغ میں درد کی ایک سرگرمی تھرمل اسٹیوملائی کو نوٹ کیا۔

ان تصاویروں میں بچپن، اسکول کی عمر اور لڑکپن کی تصاویر مثلاً اس وقت کا مشہور کارٹون، مقبول کھیل، کوئی ٹافی وغیرہ دکھائی گئی، ساتھ ہی آج کے دور کی مشہور تصاویر بھی دکھائی گئیں اس پورے عمل کے دوران تمام رضا کاروں کے دماغ کا ایف ایم آر آئی سے جائزہ لیا جاتا رہا۔

ماہرین کو معلوم ہوا کہ جب جب انہیں بچپن کی خوشگوار یادوں سے وابستہ تصاویر دکھائی گئیں تو ان کے دماغ میں درد کی شدت یا اس سے وابستہ مقام پر سرگرمی نظر آئی، اس تحقیق کے قریباً تمام شرکا نے جدید تصاویر کے مقابلے میں ماضی کی یاد سے جڑی تصاویر دیکھ کر درد میں کمی کا اعتراف کیا اور اپنے سکون کا اظہار بھی کیا، اس تحقیق میں پرانی یادوں کا سب سے مثبت اثر سامنے آیا۔

ماہرین کا کہنا ہے کہ خوشگوار یادوں سے وابستہ کوئی تحریر، تصویر یا ویڈیو وغیرہ دیکھنے سے دماغ کے دو حصوں کی سرگرمی کم ہوتی ہے، جن میں لیفٹ لینگول جائرس اور پیرا ہیپوکیمپل جائرس شامل ہیں۔

یہ دونوں وہ مقام ہیں جو درد محسوس اور پروسیس کرنے میں اہم کردار ادا کرتے ہیں، پھر اسی مقام سے تکلیف کا احساس آگے تک بھیجا جاتا ہے ماہرین کا خیال ہے کہ ماضی کی مثبت یادوں کو دُہرا کر کسی دوا کے بغیر درد کم ممکن ہے۔

اس تحقیق سے یہ بات سامنے آئی کہ جب سر میں درد یا بھاری پن محسوس کریں تو خوشگوار یادوں کو ذہن میں تازہ کریں یا پھر اس سے وابستہ اشیا پر غور کریں تو بغیر دوا کے اس درد سے نجات مل جائے گی اور آپ درد کشا ادویات کے منفی اثرات سے بھی بچ جائیں گے۔