وزیراعلیٰ پنجاب سردار عثمان بزدار نے کہا ہے کہ وزیراعظم عمران خان عدم اعتماد سے سرخرو ہو کر نکلیں گے۔

وزیراعلیٰ عثمان بزدار نے اپنے جاری کردہ بیان میں کہا کہ اپوزیشن نے عدم اعتماد کا جو گڑھا کھودا ہے وہ خود اس میں گرے گی، اپوزیشن کے پاس نمبر گیم پوری نہیں ہے۔

انہوں نے کہا کہ عدم اعتماد کی ناکامی نوشتہ دیوار ہے، وزیراعظم عمران خان عدم اعتماد سے سرخرو ہو کر نکلیں گے، عدم اعتماد کی تحریک میں کوئی جان نہیں۔

وزیراعلیٰ پنجاب کا کہنا ہے کہ اپوزیشن اکٹھی ہو کر بھی وزیراعظم عمران خان کا مقابلہ نہیں کرسکتی، انکی سیاست صرف ذاتی مفادات کے گرد گھوم رہی ہے۔

عثمان بزدار نے مزید کہا کہ اپوزیشن کو نہ ملک کا خیال ہے اور نہ عوام کا، اقتدار کی ہوس میں اپوزیشن عناصر نے قومی مفادات کو داؤ پر لگایا ہوا ہے۔

سینیٹ کی ایک خالی نشست پر پولنگ کا وقت صبح 9 بجے سے شام 4 بجے تک رکھا گیا ہے۔

سینیٹ کی خالی نشست پر پیپلز پارٹی کے نثار کھوڑو اور تحریک انصاف کے آغا ارسلان کے علاوہ 2 آزاد امید وار عاجز دھامرا اور گل محمد جاکھرانی مدمقابل ہیں، دونوں آزاد امیدواروں کا تعلق پیپلز پارٹی سے ہے جب کہ تحریک انصاف کے کورنگ امیدوار علی احمد پلھ الیکشن سے دستبردار ہوگئے ہیں۔

تحریک انصاف سینیٹ کی نشست پر انتخاب کا بائیکاٹ کردیا ہے جب کہ متحدہ قومی موومنٹ (ایم کیو ایم پاکستان) بھی سینیٹ الیکشن میں حصہ نہیں لے رہی۔

ماہرین کے مطابق سندھ اسمبلی میں پیپلز پارٹی کو واضح اکثریت حاصل ہے، اس لئے نثار کھوڑو کے سینیٹر منتخب ہونے کے امکانات واضح ہیں۔