85 سالہ برطانوی خاتون کو دنیا کی معمر ترین اسکوائش کھلاڑی قرار دے دیا گیا۔

غیر ملکی میڈیا رپورٹ کے مطابق برطانیہ سے تعلق رکھنے والی 85 سالہ خاتون کو دنیا کی سب سے معمر اسکوائش کھلاڑی قرار دیا گیا ہے۔

گینز ورلڈ ریکارڈ کے مطابق انگلینڈ کے سفوک کاؤنٹی کے علاقے ڈیلہیم کی 85 سالہ مارگریٹ آرمسٹرانگ نے ریکارڈ 84 سال اور 347 دن کی عمر میں متحرک اسکوائش کھلاڑی کے طور پر دنیا کی معمر ترین اسکواش کھلاری کا اعزاز اپنے نام کر لیا ہے۔

اس حوالے سے گنیز ورلڈ ریکارڈ نے ان کی عمر اور بطور کھلاڑی اسٹیٹس کی   تصدیق کی ہے۔

مارگریٹ آرمسٹرانگ کا اس حوالے سے کہنا تھا کہ انہیں بعض لوگوں نے یہ تجویز دی تھی کہ مجھے عالمی ریکارڈ کا جائزہ لینا چاہیے اور جب ایسا کیا گیا تو معلوم ہوا کہ ایک 84 سالہ شخص اس ریکارڈ کا حامل ہے۔

جس پر مجھے اندازہ ہوا کہ میری عمر تو 85 سال کے قریب ہے، ان کا مزید کہنا تھا کہ انہوں نے اسکوائش نارتھ ووڈ کلب شمالی لندن میں اس وقت کھیلنا شروع کی، جب وہ موسم کی وجہ ٹینس میچز کھیلنے کے منصوبے سے مایوس ہوئیں۔

My PATHETIC attempt to play squash against the holder of the @GWR for the world’s oldest competitive squash player, Margaret Armstrong! @BBCSuffolk @WayneBavinShow pic.twitter.com/vVFjQfI68c

— Johnnie Wright (@RadioJohnnie) April 13, 2022

خاتون کے کہنا ہے کہ وہ چند برس قبل ایک کار ایکسیڈنٹ میں شدید زخمی ہونے کے باوجود وہ ہفتے میں دو مرتبہ اسکوائش کھیلتی ہیں۔