سری لنکا کے سابق کپتان ارجنا رانا ٹونگا نے آئی پی ایل میں شامل سری لنکن کھلاڑیوں سے اپیل کی ہے کہ وہ ملک میں حکومت مخالف احتجاج میں شرکت کے لئے لیگ چھوڑ دیں۔

واضح رہے کہ سری لنکا اپنی تاریخ کے بدترین معاشی بحران کےساتھ خوراک ، ادویات اور ایندھن کی شدید قلت کا شکار ہے ، اور حکومت کے خلاف ملک بھر احتجاجی مظاہرے کئے جارہے ہیں

سابق کرکٹر اور وزیر ارجنا رانا ٹنگا نے منگل کو سری لنکا کے تمام کھلاڑیوں پر زور دیتے ہوئے کہا کہ  جو کھلاڑی انڈین پریمیئر لیگ میں کھیل رہے ہیں، وہ آئیں اور جاری معاشی بحران کے دوران اپنے ملک کی حمایت میں کھڑے ہوں۔

سری لنکا خوراک اور ایندھن کی قلت کے ساتھ ایک شدید معاشی بحران سے نبرد آزما ہے جس سے جزیرے کے ملک کے لوگوں کی ایک بڑی تعداد متاثر ہو رہی ہے۔

سابق کپتان نے کہا کہ میں واقعی میں نہیں جانتا لیکن کچھ کرکٹرز ایسے ہیں جو آئی پی ایل میں شاندار کھیل رہے ہیں لیکن انہوں نے اپنے ملک کے بارے میں بات نہیں کی۔

ارجنا رانا ٹونگا کا کہنا تھا کہ بدقسمتی سے، لوگ حکومت کے خلاف بولنے سے ڈرتے ہیں۔ یہ کرکٹرز کرکٹ بورڈ کے لیے بھی کام کر رہے ہیں۔ وزارت اور وہ اپنی ملازمتوں کو بچانے کی کوشش کر رہے ہیں۔

1996 ورلڈ کپ کی فاتح سری لنکن ٹیم کے کپتان نے کہا کہ اب کھلاڑیوں کو یکجا ہو کر قدم اٹھانا ہوگا.