باکسنگ لیجنڈ مائیک ٹائیسن اپنے این ایف ٹی مسٹری باکس کلیکشن کی لانچنگ کے ساتھ نان فنجائی ایبل ٹوکنزکے اکھاڑے میں داخل ہوگئے ہیں۔

سوئیڈن سے تعلق رکھنے والے ایوارڈ یافتہ مصوراوراین ایٖف ٹی فن کارہینرک آریے نے ٹائیسن کلیکشن کے لیے این ایف ٹی کوڈیزائن کیا ہے۔

ہینری کی جانب سے بائنینس پرمسٹری باکس این ایف ٹی سیریز شامل کردی گئی ہے۔ بائنینس کے مطابق 2022 میں خریداروں کومفت میں تین این ایف ٹی ایئرڈراپس دیے جائیں گے۔

یہ بھی پڑھیے: یوکرین نے دنیا کا پہلا این ایف ٹی جنگی میوزیم قائم کردیا

ٹائیسن این ایف ٹی سیریزمیں ان پربنائے گئے فن پارے اورٹائیسن کے پیشہ ورانہ کیریئرکی تصاویر بھی شامل ہیں۔

بائنینس کی جانب سے جاری بیان کے مطابق مجموعی طورپر 15 ہزار’ مسٹری باکسز‘ فروخت کے لیے پیش کیے گئے ہیں۔ جب کہ ہرخریدارزیادہ سے زیادہ 50 مسٹری باکسزخرید سکیں گے۔

ہرمسٹری باکس میں 5 این ایف ٹی ڈیزائن، 5 مختلف نایاب لیولز’ برونز( این)، سلور( آر)، گولڈ( ایس آر)، پلاٹینیم ( ایس ایس آر) اور ڈائمنڈ ( ایس ایس آر) کے ساتھ دیے گئے ہیں۔

بیان میں مزید بتایا گیا ہے کہ اس این ایف ٹی سیریزکے خریداروں کو اضافی انعامات بھی دیے جائیں گے۔ جن میں آرٹ ورک  کے ساتھ ’ آئرن مائیک‘ کے دستخط شدہ دستانے، نیکر، ٹی شرٹس اورموزے بھی شامل ہیں۔

نان فنجائی ایبل ٹوکن کیا ہے؟

کرپٹو کرنسی کے ذریعے ڈیجیٹل اثاثوں کی خریدوفروخت کو نان فنجائی ایبل ٹوکن کی شکل میں پیش کیا جاتا ہے۔ لیکن کاغذ پر بنی کسی شے کی تصویر این ایف ٹی نہیں ہوگی بلکہ وہ ڈیجیٹل تصویر، یوٹیوب کی پہلی ویڈیو، ایپل کا پہلا کوڈ یا پھر سی این این کا پہلا ویب پیچ ہوسکتی ہے۔

سادہ الفاظ میں صرف ڈیجیٹل یا سائبر اسپیس میں تیار ہونے والا کوئی شاہکار ہی این ایف ٹی کہلائے گا۔